Өнөө үед их хотын хөгжлийн хурдыг өдрөөс өдөрт нэмэгдэх өндөр шилэн барилгаар хэмжиж байгаа гэхэд хэлсдэхгүй. Эдгээр барилгуудын амин судас нь халаалтын систем юм. Халаалт нь өрөө тасалгаанд байгаа хүний амьдрал үйл ажиллагаанд хамгийн тохиромжтой дулаан нөхцөл бий болгох зорилготой.

 

Барилгын халаалтын сүлжээний ажилтнууд, түүнд суралцаж байгаа оюутан сурагчдад зориулсан шинэ гарын авлага ном хэвлэгдсэн байна. Энэхүү  “Барилгын дотор халаалт, агаар сэлгэлт” номд халаалт, салхивчийн сүлжээнүүд тэдгээрийн тоног төхөөрөмжийн ажиллагааны үндэс, төслийн тооцоо, тоног төхөөрөмж сонгох тооцоо зэрэг онолын сэдвүүдээс гадна тоног төхөөрөмжийн хийц, ажиллагаа, угсралтын технологийг нарийн тодорхой тусган бичсэнээрээ онцлогтой.

 

Ном арван бүлгээс тогтсон бөгөөд энэхүү гурав дахь хэвлэлтийн онцлог нь мэргэжлийн холбогдолтой гадаад үг хэллэгийг эх хэл дээрээ хөрвүүлэн оруулж өгснөөрөө номыг хэрэглэгч хэн бүхэнд ойлгомжтой болгожээ. Тус номыг Монгол Улсын зөвлөх инжинер Батаагийн Ядамжавын дурсгалд зориулан түүний шавь нар болон хүүхдүүд нь дахин сэргээн хэвлүүлж байгаа аж.  Ахмад багш Б.Ядамжав нь Монгол улсын боловсролын салбарт тасралтгүй 36 жил ажилласан бөгөөд энэ хугацаанд 3000 гаруй сантехникийн инжинер, техникийн ажилтнуудыг бэлтгэсэн гавъяатай нэгэн байв. Энэхүү ном нь гурав дахь хэвлэл бөгөөд өмнөх хоёр нь цөөн тоогоор хэвлэгдэн олдоц ховор болсны улмаас дахин сэргээн хэвлэжээ.