ЗТБХБЯамныТөрийн захиргааны удирдлагын газрын дарга Б.Бямбажавд санал хүргүүллээ
Barilga
Өнөөдрийн мөрдөж буй янз бүрийн журмаар барилгын ажил гүйцэтгэхэд авах ёстой 130-аад гарын үсэг байдаг. Энэ олон гарын үсгийн нилээд хувь нь хуулиар олгогдсон эрхэд хамааралгүй зөвхөн байгууллага албан тушаалтын үзэмж сонирхлоор бий болоод байна. Үүнийг шийдвэрлэхийн тулд доод шатны байгууллагаас дэд шатны бүхий л байгууллагуудад байгаа хүнд суртлын тухай авч үзэх шаардлага тулгараад байгаа юм. Мөн зураг төслийн компаниудад зэрэглэл тогтоож чанарын үзүүлэлтийг нэмэх чухал байна.
- “Гүйцэтгэлийн бүртгэл зэрэглэлийн журмыг шинэчлэн найруулж Тусгай зөвшөөрлийн журамд нэгтгэн оруулж нэг л журам гаргах нь зүйтэй гэж үзэж байна.
- Нэр хаягийг тодорхойлон бичих, тусгай зөвшөөрлийн сунгалтыг хурдан хугацаанд шийдвэрлүүлэх, Зөвлөх үйлчилгээний ажлын байрыг цомхотгох гэх зэрэг.
- Журмын нэрийг “Барилга, хот байгуулалтын салбарын ажил, үйлчилгээ эрхлэх хуулийн этгээдэд тусгай зөвшөөрөл олгох журам” гэж нэрлэх.
- Хот байгуулалтын баримт бичиг, барилга байгууламжийн зураг төсөл боловсруулах ажлын хүрээнд гүйцэтгэгчийн бүртгэл зэрэглэлийг тогтоохдоо Тусгай зөвшөөрлийн журам-ын2-р хавсралтад байгаа ажилбаруудыг “A”, “B”, “C” гэсэн гурван зэрэглэлд хамруулах замаар шийдвэрлэх.
- Барилга хот байгуулалтын мэргэжлийн чиглэлийн асуудлаар дүгнэлт гаргах зорилготой зөвлөл нь Салбарын яамны дэргэдэх мэргэжлийн зөвлөл мэт баймаар байна. Энэ бүрэлдэхүүн зайлшгүй орвол зохих албан тушаалтнууд гэвэл
- Тус яамны бодлогын газрын дарга нар;
- Агентлагийн чанарын асуудал хариуцсан хэлтсийн дарга нар;
- Агентлагийн экспертизийн асуудал хариуцсан хэлтсийн дарга ;
- Мэргэжлийн олон нийтийн байгууллагуудын төлөөлөл
Харин одоогийн зөвлөлд байгаа төлөөлөл заавал оролцох шаардлагагүй, мөн Яамны төрийн захиргаа, удирдлагын хэлтсийн дарга ч оролцох шаардлагагүй гэж үзэж байна. Эдгээр хүмүүс мэргэжлийн асуудал ярьж дүгнэлт гаргахад улам хүнд суртал үүсэх шалтгаан болж байгаа ажээ. Монгол улсын Засгийн Газраас зарласан “Бизнесийн орчны шинэтгэлийн жилийн хүрээнд хийгдэж буй төрийн байгууллагын үйлчилгээний шат дамжлага, хүнд суртлыг багасгах чиглэлээр хийгдэж буй ажилд энэхүү Тусгай зөвшөөрлийн тухай журам-ыг шинэчлэн гаргах нь томоохон нэмэр, зөв ажил болно гэж үзлээ.