Хятадууд өөсрсдийн Changsha хотноо 15 давхар барилгыг зургаахан өдрийн дотор барьж, дэлхий дахиныг гайхшруулсан байна. Ark нэртэй зочид буудал болох эл барилга нь хурдан хугацаанд баригдсан гэдгээс гадна байгаль орчинд ээлтэй барилга хэмээн тодотгосон байна.

 

Барилгын бүх бүрэлдэхүүн хэсгүүдийн материалыг үйлдвэр болоод ахуйн хэрэглээний хог хаягдал, ялангуяа савалгааны хаягдлаар хийсэн байна. Тиймээс уг барилгын материалын жин (250кг/м2) нь уламжлалт материалын жин (1500кг/м2 )-гээс ойролцоогоор 6 дахин хөнгөн юм байна. Мөн барилгын бүтэц нь газар хөдлөлтийн 9-р түвшинд тэсвэртэй байхаар угсрагдсан ба хана болон таазанд нь 15 мм дулаан тусгаарлагчийг байрлуулснаараа дуу болон дулааныг дээд зэргээр тусгаарласан бөгөөд сүүлийн үеийн агааржуулалтын системтэй, LED гэрэлтүүлэгтэй зэргээрээ давуу талтай юм байна.

 

Ямартаа ч солиотой ч гэмээр эл барилгыг барих явцад осол, эндэгдэл гараагүй ба тэндхийн хөршүүд нь долоо хоног хүрэхгүй хугацаанд гарч ирсэн зочид буудлыг хараад гайхширсан нь лавтай.