Гутал хэлбэтэй ING house
Barilga
2019-11-05
Амстердам хотод байрлах дээрх барилга нь ING группын оффис ба уг барилгад удирдлагын өрөө, захиргааны оффисууд болон корпорацийн салбарууд байрладаг. Уг барилгын онцлог нь хамгийн орчин үеийн архетиктурийн дизайн болоод түүний “гутал” мэт хэлбэр дүрс юм.
Уг барилгын дизайныг уран барилгач Meyer болон Van Schooten нар гаргасан ба барилгын гаднах хэсгийг хөнгөнцагаан болон шилээр хийж, барилгын доод талд ширээ мэт 16 ган хөл байрлуулсан байна.
ING барилга нь 28 метр өргөн,138 м урт, 10 давхар, 48 м өндөртэй ба оффисоос гадна 250 хүний суудалтай танхим, ресторан, номын сан, машины зогсоолыг багтаасан нийт 5,600м2 талбайтай. Барилгын оффисуудын бараг хагас нь уян хатан ажлын байранд зориулагдсан “нөөц” байдаг буюу өөрөөр хэлбэл ажилчид нь өөрсдийн ажлын байр, орчноо солих боломжыг олгодог гэсэн үг юм.
Түүнчлэн барилга дотор, түүний чухал хэсэг болсон байгалийн архетиктурч Michael van Gessel-ийн дизайныг нь гаргасан ховор ургамал, цэцэгс бүхий цэцэгт хүрээлэн байдаг байна.
