ЗТБХБЯ-ны Сургалт, судалгаа, хөрөнгө оруулалт, барилга захиалагчийн албанаас Монгол Улсын “Барилгын тухай” хууль болон салбарын бусад хууль тогтоомжид нийцүүлэн төрөөс баримтлах бодлого чиглэлийг хэрэгжүүлэхэд шаардагдах мэдээ, мэдээллээр хангах, хэрэглэгчдэд шаардлагатай хэрэгцээт мэдээллээр үйлчлэх зорилгоор мэдээллийн нэгдсэн сүлжээ бий болгож, зохих журмын дагуу нийтийн хүртээл болголоо.

 

Энэхүү ажлын хүрээнд:

  -  Зураг төслийн чиглэлээр ажиллаж буй ИТА-ны мэдээлэл

  -  Барилга угсралтын чиглэлээр ажиллаж буй ИТА-ны мэдээлэл

  -  Нийтийн аж ахуйн салбарт ажиллаж буй ИТА-ны мэдээлэл

  -  Зэрэгтэй ИТА-ны мэдээлэл

  -  Салбарын их дээд сургууль, мэргэжил сургалт, үйлдвэрлэлийн төвд бэлтгэгдсэн боловсон хүчний мэдээлэл

  -  Мэргэжилтэй ажилчин бэлтгэх түр сургалтанд хамрагдсан суралцагсдын мэдээлэл

  -  Үйлдвэрлэл дээрх сургалтаар бэлтгэж буй ажилчдын мэдээлэл

  -  Тусгай зөвшөөрөлтэй аж ахуйн нэгжүүдэд ажиллаж буй ИТА болон мэргэжилтэй ажилчдын мэдээлэл

зэргээр сангийн нэгдсэн бааз үүсгэн салбарын хүний нөөцийн мэдээллийн сангийн программ бүтээсэн байна.

 

Тус албаны мэдээллийн сангийн программ нь онлайн хэлбэрээр ашиглахаар төлөвлөн интернэт технологид суурилсан, салбарын инженер техникийн ажилтан, мэргэжилтэй ажилтнууд, тусгай зөвшөөрөлтэй ААН-үүдийн мэдээллийг нэгдсэн санд бүртгэж бусад яам, агентлаг, хөдөлмөрийн төв бирж гэх зэрэг газруудтай мэдээлэл харилцан солилцох боломжтойгоор хийгджээ.

 

 

Уг санд бүртгэгдсэн мэдээллийг ашиглан салбарын хөдөлмөрийн зах зээлийн мэдээллийн системийг бий болгон цаашид ажил олгогч, ажил хайгчдыг вэб орчинд холбох, судалгаа, шинжилгээ хийх боломжийг бүрдүүлэн ажиллах юм.

 

Иймд төрийн болон төрийн бус байгуулага, аж ахуйн нэгжийн удирдлагууд та бүхэн бизнесийн орчинд мэдээлэл солилцон хамтран ажиллах боломж нээгдэж байгаа юм. Мэдээллийг тус албаны www.tricpu.gov.mn сайтаас авна уу.