“Зэвсэгт хүчин-1000 айлын орон сууц” хөтөлбөр батлагдсантай холбогдуулж ЗХЖШ-ын ЦХҮГ-ын Барилга, орон сууцны төлөвлөлт, засвар ашиглалтын хэлтсийн дарга, хурандаа Г.Баярсайханаас дараах тодруулгыг авлаа.

Тус хөтөлбөрийн талаар тодорхой мэдээлэл өгнө үү?
”Зэвсэгт хүчин-1000 айлын орон сууц” төслийг ЗХЖШ-аас боловсруулаад Батланхамгаалахынсайдын Зөвлөлийн хуралдаанаар хэлэлцүүлэн батлууллаа. Энэ бол албан тушаалын орон сууц. Үүний мөн чанар нь юунд оршив гэхээр Монгол Улсын Зэвсэгт хүчинд ажиллаж байгаа офицер, ахлагч нарыгалбан тушаалын орон сууцаар хангах бодлого барьж байгаа юм. Бид өмнө нь “Орон сууц-2010 хөтөлбөр” хэрэгжүүлж байсан.

Ингэхдээ анги, байгууллагад байдаг ашиглагддаггүй цэргийн байр ч юм уу, өөр зориулалттай барилгуудыг засаад, албан тушаалын орон сууц болгодог, эсвэл улсын төсвийн хөрөнгө оруулалтаар орон сууц барьж ашигладаг холимог бүтэцтэй үйл ажиллагаа явуулдаг байсан. Харин энэ төсөл 1000 айлын албан тушаалын орон сууц баръя гэсэн төсөл байгаа юм. Энэ чиглэлээр Батлан хамгаалахын сайд үүрэг өгсөний дагуу ЗХЖШ-аас төсөл боловсруулж, Батлан хамгаалахын сайдын Зөвлөлийн хуралдаанаар хэлэлцэж баталсан.

Төсөл хэрхэн хэрэгжих вэ?
Ерөнхийдөө 2015 онд багтааж 1000 айлын орон сууц барих юм. Үүний эхний үе шат нь 2011 онд хэрэгжинэ. Тодруулбал, энэ төслийн дагуу албан тушаалын орон сууц барихад зориулж Монгол Улсын төвлөрсөн төсвийн хөрөнгө оруулалтаар 10 тэрбум төгрөг батлагдсан. Энэ хөрөнгөөр эхний ээлжинд буюу 2011 онд 336 айлын орон сууц барьж ашиглалтад оруулах юм. Үүнээс Улаанбаатар хотод 240, хөдөө орон нутагт 96 айлын орон сууцыг барина. Улаанбаатарт орон сууц барих ямар боломж байгаа талаар судлахад Зэвсэгт хүчний 013 дугаар ангийн тавиулангийн районд, 011, 089 дүгээр ангиуд болон БХИС, Монгол цэргийн музейн байрлалд орон сууц барих боломж байгаа юм. Өөрөөр хэлбэл, эрчим хүч, цэвэр, бохир усанд холбогдох боломжтой, дулааны эх үүсвэртэй ийм газрууд байна гэсэн үг. Тэгэхээр бид эхний ээлжинд Монгол цэргийн музейн байрлалд 120 айлын 12 давхар хоёр барилгыг ирэх онд барина. Үндсэндээ 240 айлын орон сууц гэсэн үг. Харин хөдөө орон нутагт баригдах 96 айлын орон сууцыг хаана барих вэ
гэхээр шинээр байгуулагдсан б а р и л г а , инженерийн батальонууд б у ю у Баянхонгор, Баян-Өлгий аймаг, мөн Сүхбаатар аймагт тус бүр 24 айлын орон сууц барих юм. 2011 онд Сүхбаатар аймагт барилга, инженерийн батальон байгуулагдах учраас тэр. Түүнчлэн Өвөрхангай, Ховд аймгуудад тодорхой хэмжээгээр орон сууц барина. Үндсэндээ 336 айлын орон сууц баригдана гэдэг бол 1000 айлын орон сууц хөтөлбөрийн 31.5 хувь нь 2011 онд биелнэ гэсэн үг. Тэгэхээр 1000 айлын орон сууц 4 жилдээ багтаагаад биелэх боломж байгаа юм.

Хөтөлбөр бүрэн хэрэгжсэнээр Зэвсэгт хүчинд алба хааж буй орон байргүй офицер, ахлагч нарын хэчнээн хувийнх нь байрны асуудлыг шийдэх вэ?
Зэвсэгт хүчинд албан тушаалын 1120 айлын орон сууц ашиглагдаж байгаа. Өөрөөр хэлбэл бие бүрэлдэхүүний тодорхой хувь нь албан тушаалын орон сууцанд амьдардаг. “Зэвсэгт хүчний байгуулалтыг 2015 он хүртэл хөгжүүлэх хөтөлбөр”-т бие бүрэлдэхүүний 6.5 хувийг шинээр орон сууцаар хангана гэсэн заалт байгаа. Энэ 1000 айлын орон сууцыг ашиглалтад оруулснаар тодорхой хэмжээгээр офицер, ахлагч нарыг орон сууцжуулна. 2020 он гэхэд нэг ч офицер гэр хороололд амьдрахгүй байх бүрэн боломжтой. Гэхдээ энд ахлагчийг ялгаж байгаа асуудал биш. Мэдээж 50-60 хувь нь орно. Ерөөсөө цаашид ийм төслийг хэрэгжүүлж, Зэвсэгт хүчний байнгын бие бүрэлдэхүүнийг албан тушаалын орон сууцаар хангах бодлого барьж байгаа. Зөвхөн албан тушаалын 1000 айлын орон сууцаар зогсохгүй бусад эх үүсвэрээс ямар нэгэн байдлаар, нөөц боломжоороо офицер, ахлагч нараа орон сууцаар хангана.

“Зэвсэгт хүчин-1000 айлын орон сууц хөтөлбөр” хөдөөгийн анги, салбарт…
Хөдөөгийн салбаруудад Канад технологитой 4, вайлын орон сууц барихаар 1000 айлын орон сууцны төсөвт суусан. 124 дүгээр ангийн салбар, АДХЦК-ын салбарууд гэх мэт салбар болгонд 8 айлын орон сууц баригдана.

Д.МЭНДБАЯР