2010 оны боловсролыг дэмжих чиглэлээр төсөвлөсөн нийслэлийн хөрөнгөөр Нийслэлийн засаг дарга бөгөөд Улаанбаатар хотын захирагч Г.Мөнхбаяр санаачилж хотын залуу мэргэжилтэнүүдийг БНСАУлсын “Yeoju Institute of Technology” их сургуультай хамтран “Хот төлөвлөлт” –ийн сэдвээр мэргэшүүлэх сургалт зохион байгууллаа. Уг сургалтанд Нийслэлийн харъяа газруудаас 17 МУШУТИСургуулийн БАТэнхимээс 2 багш нийт 19 хүний бүрэлдэхүүнтэйгээр 2010 оны 10 сарын 27-с 11 сарын 29-ийг хүртэл 45 хоног явагдаж амжилттай өндөрлөлөө.

Энэхүү сургалтанд манай байгууллагаас архитектор 5, хот байгуулалтын эзийн засагч 1, газар зохион байгуулагч 1, геодезын инженер 1 нийт 8 мэргэжилтэн суралцаж ирлээ. Тухайн сургалтаар Солонгос улсын хот байгуулалт, төлөвлөлтийн түүх, одоогийн байдал ирээдүйн төлөв байдлыг судлаад зогсохгүй дэлхийн бусад орны чиг хандлагыг таниж мэдэх үр дүнтэй сургалт боллоо. Суралцаж ирсэн мэргэжилтэнгүүд тухайн улсын хот байгуулалтын алдаа гаргаж байсан түүхийг давтуулахгүй дэвшилттэй туршилгаас өөр өөрсдийн ажилдаа ашиглан ажиллах зорилготой юм.