Ерөнхийлөгчийн Тамгын газар, Үндэсний аюулгүй байдлын зөвлөлийн ажлын алба хамтарсан “Газар хөдлөлтийн гамшгаас урьдчилан сэргийлэх, хот байгуулалт, төлөвлөлтийг боловсронгуй болгох асуудал” сэдэвт хэлэлцүүлэг өчигдөр боллоо. Иргэний танхимд болсон тус хэлэлцүүлгийн нээлт Ерөнхийлөгчийн Тамгын газрын дарга Д.Баттулгыг үгээр эхэлсэн юм.

Оны эхээр Ерөнхийлөгчийн санаачилгаар газар хөддөлтийн гамшгаас урьдчилан сэргийлэх, эрсдлийг бууруулах, хот байгуулалт, төлөвлөлтийг боловсронгуй болгох асуудлыг нухацтай хэлэлцэж эхэлжээ. Улмаар гурван сарын дараа Үндэсний аюулгүй байддын зөвлөлийн хуралдааны зөвлөмж, тэмдэглэл гаргасан байна. Өнгөрсөн хагас жилд гамшгийн үед хэрэгжүүлэх арга хэмжээний төлөвлөгөөг холбогдох байгууллагуудын оролцоотойгоор боловсруулсан.

Энэ нь газар хөдлөлт гэлтгүй бүх нийтийг хамарсан, учирч болзошгүй гамшгийн үед төрийн байгууллагууд бие даан шийдвэр гарган, асуудлыг богино хугацаанд бага гарз хохиролтойгоор даван туулах, гамшгийн дараах бүтээн босголт, сэргээн засварлах ажлыг зохион байгуулах боломж бүрдэнэ гэж үзэж байгаа аж. Үндэсний аюулгүй байдлын шинэчилсэн үзэл баримтлалд “Нийслэлийн хүн амын төвлөрлийг тараан байршуулах зорилгоор дагуул хотуудыг төлөвлөж, хот орчмын бүс нутгийг өндөр хурдны авто зам, эрчим хүч, инженерийн барилга байгууламжаар найдвартай хангаж холбоно” гэжээ.

Мөн орон сууц үйлдвэрлэл, үйлчилгээний барилга, инженерийн байгууламжийн газар хөдлөлтийн тэсвэрлэлтэд үнэлгээ өгч, найман баллын газар хөдлөлтийг тэсвэрлэх шаардлага хангахгүй барилга, байгууламжийг хүчээр буулгаж шинээр барих зохицуулалт хийх талаар тусгасан. Үүнээс гадна их, дээд сургуулиудыг хотын төвөөс нүүлгэн шилжүүлж хотхон болгон хөгжүүлэх, Улаанбаатар хотын авто замын I, II, III тойрог замыг шинээр бий болгох, тойрог замыг холбосон туслах зам, хотын алслагдсан дүүрэг, шинээр баригдсан орон сууцны цогцолбор хорооллуудыг холбосон авто зам барих, шинэчлэн сайжруулахыг заажээ.

Шинэ бүтээн байгуулалт хөтөлбөрт хамрагдсан арга хэмжээг 2010-2016 оны хооронд хэрэгжүүлэхэд шаардлагатай хөрөнгиш 12.2 их наяд төгрөг гэж тодорхойлсон.
Хэлэлцүүлэгт холбогдох байгууллагуудын төлөөлөгчид оролцож, асуултад хариулт өгсөн юм. Үг хэлсэн хүмүүс төрийн болон хувийн хэвшлийн байгууллагуудын хоорондын ажлын уялдаа муу, газар хөдлөлтөд бэлэн биш, хүн амьдарч, ажиллаж болохгүй гэсэн дүгнэлт гаргасан барилгуудыг нураах эрх зүйн орчин бүрдээгүй зэргээр шүүмжлэлтэй хандаж байсан юм. Мөн барилгын материалын судалгаа орхигдсон, барих явцад хяналт шалгалт сул, орон сууцыг паспортжуулахад нэн чухал байгааг онцолсон байна.

Хэлэлцүүлгийн төгсгөлд Ерөнхийлөгчийн Үндэсний аюулгүй байдлын бодлогын зөвлөх М.Батчимэг яригдсан бүх асуудал, шүүмжлэлийг хүлээн авч, анхаарна гэдгийг хэлсэн. Мөн. хууль эрх зүйн зохицуулалтхийх, төлөвлөгөөгөө сайжруулах хэрэгтэй зэрэг олон зүйлийг сайжруулахын төлөө ажиллана гэсэн юм.

Нийслэлийн барилга, хот байгуулалтын газрын ерөнхий инженер Т.Эрдэнэтуяагаас зарим зүйлийг тодрууллаа.

-Нийслэл хот газар хөдлөлтийн зургаа, долоо, найман баллын идэвхтэй бүсэд байдаг. Гэтэл шилэн барилгууд баригдах боллоо. Эдгээр барилгууд дээрх баллын газар хөдлөлтөөс хамгаалагдсан уу?
-Барилгын норм дүрмийн дагуу л зураг төсөл нь хийгдээд батлуулаад л барьж байгаа.

-Монголын нөхцөлд шилэн барилга хэр тохиромжтой вэ?
-Инженер хүний хувьд эрс тэс уур амьсгалтай манай нөхцөлд тохиромжгүй гэж боддог. Гэхдээ ямар шилээр, яаж барихаас шалтгаална. Шилэн барилга огт барьж болохгүй гэсэн үг биш.

-Шинээр ашиглалтад орж байгаа барилгууд норм, журмьга дагуу баригдаж байгаа гэдэг. Гэтэл яагаад хажуу айлын дуу чимээ тод сонсогдоод байна вэ. Ямар норм алдагдсан гэсэн үг вэ?
-Энэ нь өндөр барилгад ажиглагддаг. Тав хүртлэх давхар байрууд одоо байхгүй. Өндөр барилгын норм дүрэмд ширхэгийн барилгын материал хэрэглэхийг хориглосон байдаг. Тиймээс тусгаарлах ханаа гипсэн зэрэг том тусгайлсан хавтангаар хийж байгаа. Гэхдээ ханаа дуу чимээ тусгаарлах зориулалтын хавтангаар хийвэл ийм асуудал гарахгүй. Энэ нь барилгын компанийн оруулж ирдэг материалаас хамаардаг байх.

-Улаанбаатар хотын барилга, байгууламжийн газар хөдлөлтөд тэсвэрлэх үнэлгээ, наспортжуулах ажлыг хэзээ хийх вэ?
-Нийслэлийн Засаг даргын Тамгын газар, Эрхүү мужийн хүрээлэнтэй хамтраад нийслэлийн барилгуудыг газар хөдлөлийн ангилалаар паспортжуулах ажил эхлэх гэж байна. Ажлаа ирэх оны эхний хагаст амжуулахаар төлөвлөсөн. Паспортжуулна гэхээр бүх барилгыг хамруулах юм шиг ойлгоод байдаг. Бид түүвэрлэж судалгааг хийх юм.