Засгийн газраас 2010 оны “Бизнесийн орчны шинэтгэлийн жил”-ээр зарласантай холбогдуулан МБҮА санаачилан барилга барьж, ашиглалтанд оруулахад төр, орон нутагт, хяналтын болон мэргэжлийн байгууллагуудаас авдаг 124 зөвшөөрөл, баталгаажуултанд судалгаа хийж, санал боловсруулж Ерөнхий сайдаар ахлуулсан “Монгол дахь хөрөнгө оруулалтын орчныг сайжруулах, хувийн хэвшлийг хөгжүүлэх зөвлөлдөх зөвлөл”, шадар сайдаар ахлуулсан аж ахуйн үйл ажиллагаа эрхлэх зөвшөөрөл, түүнийг олгохтой холбогдсон харилцааг зохицуулж байгаа хууль тогтоомж, эрх зүйн бусад актыг хянаж боловсронгуй болгох үүрэг бүхий ажлын хэсэгт оруулсан нь Засгийн газрын 2010 оны 12 дугаар сарын 15-ны өдрийн хуралдаанаар шийдвэрлэгдлээ.

 

Засгийн газрын энэхүү шийдвэр гарснаар 124 баталгаажуулат, гарын үсэг 56, түүнд зарцуулдаг байсан 480 орчим хоног 182 орчим хоног болж багаслаа.

 

Барилгын салбарт бизнес эрхлэгчдийн “алтан” цагийг хэмнэх, зөвшөөрөл, гарын үсэг авахад зарцуулдаг үргүй зардлыг багасгахад дорвитой алхам болсон энэхүү шийдвэр нь МБҮА-иас салбарынхаа хамт олонд барьсан шинэ жилийн бэлэг болж байгаа юм байна.

 

МБҮА дээрх шийдвэр гарсантай холбогдуулан “Барилгын тухай” хууль болон зарим нэг бусад эрх зүйн баримт бичигт оруулах өөрчлөлтийг УИХ-ын ирэх хаврын чуулган болон Засгийн газарт оруулж шийдвэрлүүлэхээр ажиллаж байна.

 

Ц.Эрдэнээ