Дэлхийн хамгийн өндөр барилга Burj Dubai-г барьж буй компани цамхгийн өндөр 512 метр хүрснээр 101 давхар Taipеi цамхгийн дээд амжилтыг эвдсэнийг зарлав. 2004 онд Тайваньд босгосон 508 метр цамхаг өнөөг хүртэл хамгийн өндөр байшинд тооцогдож байв. Харин Дубайд барьж буй Burj Dubai цамхаг 700 метр өндөр 160 давхар болох юм байна. Одоогоор 141 давхар байшинтай тэнцэх хэмжээнд хүрээд байгаа цамхгийн ажил 2008 оны зун дуусах аж. Уг цогцолбор 56 лифттэй байх бөгөөд усан сан, элитүүдийн орон сууц, дээд зэрэглэлийн ресторан, дэлгүүр алсыг харах тавцантай байх юм. Барилгын ажлыг Emaar Propertiec гүйцэтгэж, энэтхэг голдуу 4000 ажилтан гурав хоногт нэг давхрыг “гараас гаргаж” байгаа аж.