Дээврийн хөндийг засаж янзлах амархан арга, материал их зарахгүй, тэгээд бас этгээд сонин бас нэгэн санааг ӨНГӨРСӨН БА ОДОО гэж нэрлэх нь тохирох юм. Энэ хэв маягаар та ч бас дээврийн хөндийн интерьер шийдлийг хийгээд үзээрэй.
Энэ бол хавтгай дээвэртэй байшингийн дээврийн хөндий хэсэг юм.
Энд тавигдсан интерьер шийдлийн санаа их өвөрмөц бөгөөд хуучны байшин шиг сэтгэгдэл төрүүлж байна. Иймэрхүү зүйлээс санаа авч, өөрийнхөө санаагаар баяжуулан хийгээд гэр орноо аятайхан болгоорой.
Энэ дээврийн хөндий анх нэг ийм л байдалтай байж. Үүнийг ямар болгон өөрчилснийг харцгаая.
Дээврийн хөндийд хэт олон тулгууртай модон краказ зангидсан байлаа. Тоосгон ханатай байж. Үүнийг өөрчлөх ямар ч арга байхгүй. Тэгвэл яах вэ. Хэрэв зангидсан яс мод, тулгууруудыг далдлах юм бол энд амьдрах хүмүүс маань тонгойж явахаас аргагүй болно. Ихэнх хүмүүс үүнийг аргалах арга алга даа гэж бодож магадгүй.
Харин дизайнеруудын нүдэнд энэ бэрхшээлтэй тал ер бусын сайхан санааг төрүүлдэг юм. Үүнийг хөрөөдөж тайрах огт хэрэггүй, тэгэх ч боломжгүй. Гадуур нь ямар нэгэн өнгөлгөө ч хэрэггүй. За ингээд ажилдаа орцгооё.

Нэмж хийсэн ханаа маш цэвэрхэн өнгөлөөд, цагаанаар буджээ. Харин элдэв янзын обой наах, нэмэлт хийц оруулах хэрэг байсангүй. Яагаад гэвэл, өреөнд хангалттай олон чимэглэл байгаа. Тулгуур багана, яс модонд мөн өнгөлгөө хийх шаардлага байсангүй. Харин зүлгүүрдээд, мод өнгөлөхөд зориулсан өнгөлөгчөөр будаж, хийцийн хэсгийг ямар нэгэн зүйлээр далдалсангүй. Интерьер засалд шал нь таазнаасаа хүнд өнгөтэй байх нь илүү зохицонго байдаг учраас шалны өнгө бараан дулаан өнгөтэй байх хэрэгтэй байлаа. Шал заавал бараан шар өнгөтэй байх албагүй шүү дээ. Гэхдээ бараан өнгөтэй байвал тааз цайвар, тааз нь бараан байвал шал нь цайвар байх нь нийцтэй. Учир нь юув гэвэл, гадаа тэнгэр бараан тод харагдаж байхад газар цайрч харагддаг, газар бараантаж харагдах үед тэнгэр цайрч үзэгддэг. Интерьерт өөрийн эрхгүй иймэрхүү шийдэл гарч ирдэг. Энэ зохицлыг баримтлахгүй бол өрөө маань бүхэлдээ хүйтэн, зэврүүн харагдаж болзошгүй. Зай их чухал учраас тусгайлан өрөөнүүд гаргасангүй, харин хаалт болгон туслах хана гаргажээ. Энэ нь олон өрөөтэй мэт харагдуулж байгаа ч үнэндээ тийм биш юм. Ханаа цагаан өнгөөр будсан нь ч бас учиртай. Цагаан өнгө ямарваа зүйлийг цэлгэр уужим болгон харагдуулдаг. Тавилга сонгохдоо бас харгалзан үзэх зүйлүүд байлаа. Хөндлөн хээтэй болон үргэлжлүүлэн угсардаг тавилга сонгосонгүй. Мөн халаагуур, алчуур тохогч, өлгүүр мэтийн зүйлсийг босоо тэнхлэгийн дагуу зохиомжилсон хийцтэйг сонгосон нь, өрөөг намхан харагдуулахгүй байгаа юм. Унтлагын өрөөг хөшигөөр тусгаарласан нь эртний шилтгээний унтлагын өрөөг санагдуулах хэдий ч уйтгартай байдал үүсгэжээ. Харин ор нь орчин үеийн хийцтэй учир бас ч тийм биш ажээ. Тоосгон хананд байрлуулсан энэ гэрэл бас л орчинтойгоо зохицож чадаж. Энгийн хийцтэй ч өвөрмөц харагдаж байна. Үргэлж нэг хэлбэртэй, уйтгартай мэт сэтгэгдэл төрүүлж байсан орон зайг бөөрөнхий хэлбэртэй онгоц, угаалтуур эвдэж хөгжилтэй байдал бий болгожээ. Шалаар нь пилтаа суулгаж өгөн энэ хэсэг зайнд хуваалт үүсгэжээ. Энэ нь харж байгаа хүнд тусдаа өөр нэг өрөө байгаа мэт сэтгэгдэл төрүүлэхүйц болжээ. Чөлөөтэй, илэн далангүй байдал энд үүсч буй сэтгэгдэл танд төрж байна уу?