"Зуун айл"-ын зам дагуу барилгын материал борлуулдаг гудамжны павильонууд 11 хүний мэдэлд байдаг бөгөөд павильонуудыг 281 хүн түрээсээр эзэмшдэг аж. Мөн тэд урд талын задгай талбайгаа хэд хэдэн хүнд давхар түрээслүүлдэг юм байна. Нийтийн эзэмшлийн энэ гудамжинд 1260 гаруй хүн наймаа хийдэг ажээ. Сүхбаатар дүүргийн Засаг даргын тамгын газар дээрх үйлдлийг эогсоох зорилгоор ажлын хэсэг томилсон. Тэд уг замыг хоёр өдөр 12.00-18.00 цагийн хооронд хаасан юм. Энэ хугацаанд зам чөлөөтэй, гудамж сэлүүхэн болсон байв. Харин наймаачид ихэд бухимдангуй харагдлаа. Учир нь "Машин явахгүй болохоор хүн цөөрч, орлого тааруу байна" гэсэн үг хүн болгоны амнаас гарч байв. Мөн наймаачид "Хийх ажилгүй болчихсон чинь архи л уух юм даа. Зам тавигдвал хуучин хэвэндээ орно..." хэмээцгээв.
Дээрх ажлыг зохион байгуулах үүрэг гүйцэтгэсэн Сүхбаатар дүүргийн Засаг даргын орлогч Б.Балдоржоос зарим зүйлийг тодруулсан юм.

-Зам хаалттай байх хугацаанд ил худалдаа хийхийг хориглосон гэж хувиараа бизнес эрхлэгчид хэлж байсан. Энэ үнэн үү?
-"Зуун айл"-ын зам байнга түгжирдэг болохоор явган хүн явахад ч хүндрэлтэй байдаг. Тиймээс эмнэлгийн түргэн тусламж болон галын дуудлагынхан тусламж хүсэгч-дэдээ хугацаа алдаж очиход хүрдэг. Хоёр өдөр зам хаасан нь   ил   задгай   худалдаа хийхийг цэгцлэх эхлэл юм. Цаашид нийтийн эзэмшлийн энэ талбайд борлуулалт хийлгэхгүйн тулд бүхий л арга хэмжээг авна.

-Ямар арга хэмжээ авах вэ?
-Наймаа хийсэн хувь хүнийг 50, аж ахуй нэгжийг 500 мянган төгрөгөөр торгоно. Тэр орчмын худалдаа хийдэг газар 10, 11 дүгээр хорооны нутаг дэвсгэрт харьяалагддаг. Тэгэхээр хорооны Засаг царга болон цагдаа нарт энэ үүргийг өгсөн байгаа. Хэрэв гар худалдаа хийсэн тохиолдол илэрвэл тэдэнтэй хариуцлага тооцно. Мөн наймаачид энэ ажлыгсүржигнээд өнгөрдөг ажлын нэг гэж бодож байгаа бол нэг сар зам хаасан ч болно. Гагцхүү тэд өөрсдийнхөө л барааг борлуулж байгаа гэдгийг ойлгох хэрэгтэй.

-Тэдний хувьд бараагаа дотор борлуулахад багтаамжийн асуудал хүнд байдаг гэсэн. Нөгөөтэйгүүр энэ ажлыг зохион байгуулахаас өмнө газрын асуудлыг зохицуулах хэрэгтэй байсан хэмээн гомдоллож байна лээ...
-Тэд гаднах талбайгаа давхар 2-3 хүнд түрээсэлдэг. Газрын алба дорвитой ажил хийхгүй байна. Энд дандаа хууль зөрчигдсөн ажил явагддаг шүү дээ. Тухайлбал, 10 кг цементээс хоёр кг-ыг нь байнга хасч иргэдийг хуурч мэхэлж байна. Хэн дуртай нь хашаа хатгасан байдаг болохоор барилга байгууламжийг томсгож барих талбай алга байна шүү дээ.