2001 оны есдүгээр сард террористуудын нураасан Дэлхийн худалдааны ихэр цамхагийн оронд Нью-Йоркт ажил хэргийн шинэ хороолол барих ажил 2012 онд дуусна гэж сүйрсэн ихэр цамхагийн эзэн, Нью-Йоркийн ажил хэргийн төвийг сэргээн босгох төслийн удирдагч Ларри Силверштейн хэвлэлийн бага хурал дээр хэлсэн байна.
Шинэ барилгын төслийг тус хотын хууль тогтоогчид өчигдөр баталжээ. Ларри Силверштейн Дэлхийн худалдааны төвийн хоёр ихэр цамхагийг газартай нь худалдаж авснаар 2001 онд Нью-Йоркийн түүхэнд хамгийн том үл хөдлөх хөрөнгийн гэрээг байгуулсан байна. Гэвч ердөө зургаан долоо хоногийн дараа ихэр цамхаг газартай тэгширсэн билээ.
Ихэр цамхагийн суурин дээр одоо аль хэдийнэ барьсан болон барьж байгаа барилгаас гадна тэнгэр баганадсан гурван барилга босно. Тэдгээр нь янз бүрийн архитекторчтай ч хоорондоо явган хүний хонгил замаар холбогдсон байх аж.