Оршин суугаа орон сууцны дээвэр дээр нь мансард барих гэснээс болж иргэд багагүй бухимдах болсон. Орон сууцны нэмэлт давхрын "Шинэ адар" төслийн талаар "NTIC" компанийнхан өчигдөр мэдээлэл хийлээ. Тус компанийнхан "Шинэ адар" төслийн ерөнхий гүйцэтгэгч бөгөөд гүйцэтгэгч байгууллагыг сонгон шалгаруулдаг юм байна.
"Шинэ адар" төслийн хүрээнд баригдах нэмэлт давхрыг сууц өмчлөгчид зөвшөөрсөн байх, ус, дулаан, цахилгаанаар хангах бололцоотой гэсэн урьдчилсан дугнэлт гарсан байруудад хэрэгжүүлэх юм байна. Гэхдээ зөвхөн угсармал таван давхар орон сууцанд хэсэгчлэн даацын судалгаа хийх ёстой аж. Даацын дүгнэлт гарснаар оршин суугчид ямар чанартай байшинд амьдарч байгаагаа мэдэж авах боломжтой. Орон сууцанд давхар нэмж байгаа бол чанар болон ашиглалт сайн байна гэж ойлгож болно. Харин давхарлаж болохгүй барилгууд нь чанар муутай орон сууц гэнэ.
Улаанбаатар хотод 45 давхар угсармал 350 гаруй орон сууц байдаг. Эдгээр байрны 74 дээр мансард барихаар төлөвлөжээ. Ингэснээр 1000 гаруй өрх хямд үнэтэй орон сууцаар хангагдах боломжтой болох юм байна. Баянзүрх дүүргийн 15 дугаар хорооллын 23, 24 дүгээр байрны нэмэлт давхрын барилга энэ сард ашиглалтад орохоор болжээ. Уг нэмэлт барилгууд нь "Шинэ адар" төслийн анхны ажип бөгөөдгүйцэтгэгчээр нь бүх Хятадын барилгын ерөнхий компани шалгарч, богино хугацаанд хийж гүйцэтгэжээ. Энэ мансард ашиглалтад орсноор 52 өрх орон сууцтай болж буй аж.
Нэмэлт давхрыг барихад шаардагдах материал нь хөнгөн, чанартай байх ёстой бөгөөд оршин суугчид амьдарч байгаа тул барилгын ажлыг богино хугацаанд технологийн дагуу барьдаг. Холбогдох мэргэжлийн байгууллагууд ус, цахилгаан, дулаан зэрэг тухайн чиглэл бүрээр техникийн   нөхцөл   гаргаж өгдөг байна. Цахилгаан, дулаан болон усны шугамыг тухайн байранд нөлөөлөхгүйгээр шинээр татаж оруулдаг. Харин тухайн байранд эдгээр шугамуудын аль нэг нь гэмтсэнээс солих, өргөтгөх, эсвэл шинээр тавих зэргийг нь техникийн нөхцөлд зааж өгсөн байдаг аж.
Нэг орон сууцны дээврийн засварт 40 орчим, цанталтад 50 гаруй сая төгрөг зарцуулагддаг аж. СӨХны хуримтлалаар эдгээр засварыг хийх бололцоогүй байдаг гэнэ. Мансард бариулснаар дээвэр, цанталтын засвараас гадна орцны засвар, гэрэлтүүлгийг шийдүүлэх боломжтой гэнэ.
Манай улс нийт 598,473 айл өрхтэй. Үүнээс халаалт, халуун хүйтэн ус, бохир, цэвэр усны шугам сүлжээнд холбогдсон орон сууцанд 131,665 өрх амьдардаг байна. Бусад нь гэр, галладаг байшин, нийтийн байр, зориулалтын бус байшинд байдаг. Харин 18 мянган өрх өөрийн гэх орон сууцгүй гэнэ.