”Чингис хаан” цогцолборын бvтээн байгуулалтын ажлыг Монгол улсын засгийн газар санаачлан зохион байгуулж нийтдээ 35 км-ын урттай даланг байгуулан тус цогцолборыг 2017 оны зургадугаар сар гэхэд хvлээлгэн өгөхөөр болжээ.

Туул голын дагуу байгуулагдах цогцолборт 35 км урттай, 6 метр өндөртэй даланг байгуулах ба тvvнд тааруулан тус бvр 50 ширхэг завьтай усан зогсоол хоёрын байгуулахаар болсон байна. Даланг байгуулах явцад Туул голын эрэг хавиар 30 км урт, 15 метр өргөнтэй автозамыг тавих гэнэ. Туул голын цогцолбор төслийг өнгөрсөн 2004 оноос хойш эхлvvлж байгаа бөгөөд төслийн анхны танилцуулга өнөөдөр явагджээ. Монгол улсаас Барилга хот байгуулалтын яам, Байгаль орчны яам, Нийслэлийн Засаг даргын тамгийн газар хамтран ажиллаж, гvйцэтгэгчээр нь Солонгосын зуун хувийн хөрөнгө оруулалттай “Хансvл” констракшн ажиллах юм байна. Тус цогцолборын ажлын хугацаа нь нийтдээ арван жил бөгөөд эхний ээлжийн бvтээн байгуулалт 2011 оны зургадугаар сард бvрэн дуусах юм байна.

“Чингис хаан” цогцолборын бvтээн байгуулалтад нийт 85.0 сая ам.доллар шаардлагатай юм байна. Төслийн хvрээнд даланг байгуулж зам тавихын хажуугаар амьдралын дундаж тvвшинтэй айлуудад зориулагдсан хямд бөгөөд чанартай 10 мянган айлын орон сууц барих гэнэ. Тус орон сууц нь 1-3 өрөө байхаар төлөвлөсөн байна. Тvvнчлэн аялагчдад зориулсан цэцэрлэгт хvрээлэн, цэвэр ус тогтоох цөөрөм, тоглоомын талбай, ногоон байгууламж зэрэг долоон том байгууламжийг барих гэнэ. Энэхvv байгууламж баригдах шатанд нийтдээ 2500 орчим шинэ ажлын байр гарах юм байна. Тус бvтээн байгуулалт нь Улаанбаатар хотыг дэлхийн аялал жуулчлалын төв хотуудын жишигт нийцэхvйц хөгжлийн тvвшинд хvргэхэд тус нэмэр болох болно хэмээн зохион байгуулагчид ярьж байсан юм.