Английн иргэн Жек Годфри (Jack Godfrey) цахилгаан эрчим хүчийг хэрхэн хэмнэлттэй хэрэглэх тал дээр шинэ санаачлага гарган ухаан бодлоо уралдуулж явдаг нэгэн гэнэ. Түүний санаачилсан олон төсөл орон сууцанд амьдрахад тустай зардал багатай, хэмнэлттэй технологийг бий болгох явдалтай үргэлжид холбоотой байдаг байна. 2006 онд болсон олон улсын хүндтэй Red Dot уралдаанд оролцуулсан £used хэмээх концепцийн санаа нь «Best of Best» шагналыг хүртэн ихээхэн өндөр үнэлгээ авчээ.

£used бол цахилгаан эрчим хүч хэрэглэж байгаа үед хэр хэмжээний цахилгаан хэрэглээд байгааг харуулдаг ухаантай сэрээ-ишнүүр /вилка/ юм. Эрчим хүч хэрэглэдэг хэрэгсэл бүрийн жилийн цахилгаан хэрэглсэн байдлыг тус сэрээний тусламжтай үзээд гэрт чухам ямар цахилгаан хэрэгсэл цахилгааныг үндсэндээ хэрэглээд байгааг тодорхой мэдэж авах боломж олгоно. Мэдээж ингэснээр тухайн хэрэглэгч хэрэглээгээ хянаж зардлаа бууруулах боломжтой болно.

     Жек саяхан “гэрээ унтраа”/Switch your home off/ гэсэн унтраалга сэджээ. Сонин сонсогдож байгаа биз. Энэ хэрэгсэлээр нэг товчлуурын /гэрлийн унтраалгатай адил/ тусламжтайгаар гэрт байгаа унтраалгад залгаатай бүх цахилгаан хэрэгслээ нэг нэгээр нь бус нэгэн зэрэг эрчим хүчнээс салгана. Та гэртээ харьж ирэхдээ нэг товчлуур даралтаар гэрэл, хөгжим, ус буцалгагч, зурагт зэргээ нэгэн зэрэг асааж болох аж. Харин энэ багажийг гэртээ хэрэглэхийн тулд гэрийн цахилгаан монтажийг өөрчлөх хэрэгтэй болох бөгөөд гол нь ямар нөхцөлд байнга цахилгаан залгаатай байх хөргөгч, дохиолол зэргийн хэрэгслүүдийг холбоход ерөнхийдөө болох гэнэ.