Эдийн засгийн байнгын хороо-ны өчигдрийн хуралдаанаар Монгол банкны мэдээллийг сонслоо. Энэ оны хоёрдугаар улирлын эцэст банкны салбарын нэгдсэн дүнгээр Засгийн газраас авах авлага 57.3 тэрбум төгрөг, Засгийн газрын харилцах хадгаламж 679.7 тэрбум төгрөг болж цэвэр зээлийн хэмжээ хасах 622. тэрбум төгрөгт хүрчээ. Үүнийг өмнөх улиралтай харьцуулбал Засгийн газрын хадгаламж 96.9 тэрбум төгрөгөөр, Засгийн газраас авах банкны салбарын авлага 20.2 тэрбум төгрөгөөр тус тус нэмэгдэж, цэвэр зээл 76.7 тэрбум төгрөгөөр буурсан үзүүлэлттэй гарчээ. Монгол банк болон банкуудын тэнцлийн нэгдсэн дүнгээр тайлант улирлын эцэст Засгийн газраас авах авлага 57.3 тэрбум төгрөг болсон нь өмнөх улирлынхаас 54.4 хувиар нэмэгджээ. Энэ авлагын 58.8 хувь буюу 33.7 тэрбум төгрөгийг Монголбанкны авлага, үлдэх хувийг арилжааны банкуудын авлага тус тус эзэлж байгаа юм байна. Тухайн санхүүгийн жилийн түр хугацааны зээлийн үлдэгдлийн нийт хэмжээ нь дотоодоос төсөвт сүүлийн гурван жилд орсон орлогын дунджийн арван хувиас хэтрэхгүй байна" гэж Төв банкны хуульд заасан байдаг байна. Төв банк энэ хязгаарт багтаах зорилгоор өнгөрсөн оны долдугаар сард 44.9 тэрбум төгрөгийн буюу 38.4 сая ам.доллартай тэнцэх үнэт цаасыг жилийн нэг хувийн хүүтэй гаргасан байна. Улсын төсвийн 2006 оны гүйцэтгэл ашигтай гарсан, Сангийн сайдын багц хэмнэлттэй байгаа зэргээс хамаарч Засгийн газар өнгөрсөн оны 12 дугаар сард уг үнэт цаасны 2010 онд төлөгдөх хуваарьтай 11.2 тэрбум төгрөгийн үнэт цаасыг хугацаанаас нь өмнө мөнгөжүүлсэн байна. Иймээс энэ оны зургаадугаар сарын эцсийн байдлаар Монгол банкны эзэмшиж буй Засгийн газрын үнэт цаасны үлдэгдэл 33.7 тэрбум төгрөгт хүрээд байгаа аж. Засгийн газар УИХ-ын өнгөрсөн оны тогтоолоор "40.000 айлын орон сууц" хөтөлбөрийн санхүүжилтийн эх үүсвэрийг бүрдүүлэх, дотоод өрийн зах зээлийг хөгжүүлэх зорилгоор Засгийн газрын үнэт цаасыг энэ оны хоёрдугаар улирлаас эхлэн арилжаалж байгаа аж. Засгийн газраас тайлант улиралд арилжаагаар 28-364 хоногийн хугацаатай, 4.44-6.33 хувийн хүүтэй нийт 20.8 тэрбум төгрөгийн нэрлэсэн үнэтэй Засгийн газрын хямдруулсан үнэт цаасыг Мон-голын хөрөнгийн биржээр дамжуулан арилжаалжээ. Эдүгээ 19.2 тэрбум төгрөгийн эх үүс-вэрийг Төрийн санд бүрдүүлээд байгаа бөгөөд үүнийг "40.000 айлын орон сууц"-ны санхүүжилтэд зарцуулах юм байна.