Өнөөдрийн байдлаар төрийн албан хаагчдын сарын дундаж цалин 160 мянган төгрөг. Энэ мөнгөөрөө тэд гэр бүлээ тэжээж, хүүхдүүдээ хувцаслаж, халаасны ерөө хөлсөлж нэг ёсондоо амьдрах гэж л ядаж явна. Яг ийм цалингаар аж амьдралаа болгох гэж зүтгэж яваа маш олон хүн бий. Тэдний хувьд өөрийн гэсэн байртай болно гэдэг нь мөрөөдөл байсан үе бий. Гэтэл "40 мянган айлын орон сууц" хөтөлбөр яригдаж эхэлснээр ядруухан төрийн албан хаагчдын мөрөөдөл биелэх боломж нээгдсэн билээ. Төрийн албан байгууллагууд ч цалингаасаа өөр орлогогүй албан хаагчдаа арай хямд төсөр орон сууцтай болгох талаар хөөцөлдөж зарим нь ажил хэрэг болгож байхад зарим нь аргаа барж сууна. Учир юу гэвээс газраар бизнес хийгчдийн эгнээнд оршин суугчдын нэрийг барьсан хэсэг хүмүүс оржээ, Эхэндээ ч иргэд байрных нь гадаах хүүхдийн тоглоомын талбай, ногоон байгууламжаа устгуулахгүй хэмээн тэмцдэг байсан. Харин энэ тэмцэл сүүлдээ мөнгө олох арга хэрэгсэл болж хувирчээ. Орон сууцны нэгдүгээр давхарт үйлчилгээ явуулахдаа дээд давхрынхаа айлуудад мөнгө өгөх, хүүхдийнх нь сургуулийн төлбөрийг даадаг жишиг тогтсон гэх. Хэрвээ байрных нь ойролцоо барилга барихаар эхэлбэл газрын зөвшөөрөлтэй эсэх нь хамаагүй, бушуухан гараад эсэргүүцээд эхэлдэг. Хийх юмгүй уйдсан хөгшид ухсан нүх, эксковаторын шанаганд ороод хэвтчихээс ч сийхгүй. Түүгээр ч зогсохгүй хашааг нь нураах, машиных нь цонхыг хагалах гээд эд хөрөнгөнд нь халдана. Цаана нь тэднийг удирддаг хүмүүс бий гэнэ. Цаад зорилго нь барилгын компаниудаас мөнгө авах тохиролцоо хийнэ. Мэдээж, мөнгө төгрөгтэй томхон компани бол бушуухан салахын тулд оршин суугчдын хүссэн мөнгийг нь өгчихдөг байна. Мөнгө авч амташсан хүмүүс дараа дараагийн барилгын компаниудад энэ мэт ээлжит шантаажаа хийх гажиг тогтолцоо бий болоод байна. Үүнийг дурдахын учир нь барилгын компаниудаас мөнгө төгрөг авч гаршсан зарим хүмүүсийн балгаар төрийн албан хаагчид байргүй хоцрох дээрээ тулаад байна. Нийслэлийн Засаг даргын 2005 оны арванхоёрдугаар сарын 20-ны өдрийн 558 тоот захи-рамжаар Хан-Уул дүүргийн нэгдүгээр хорооны нутаг дэвсгэр 120 мянгатын 8, 9, 17 дугаар байрны дунд нийтийн эзэмшлийн газрын хэсэг талбайг төрийн албан хаагчдын орон сууц барих зориулалтаар олгожээ. Энэ бол Тагнуулын еренхий газрын албан хаагчдад зориулсан орон сууцны барилгын газар аж. Сайн муу үгээр хангалттай нүдүүлдэг энэ байгууллагад хажуу өрөө хөлслөн амьдарч байгаа олон хүн бий гэнэ. Тэдэнд ч төрд зүтгэж
яваа бусдын адил орон сууцанд амьдрах эрх бий. Гэтэл аль хавар эхлэх ёстой барилгын ажил одоо ч эхлээгүй байна. Барилгын зураг төсөл бэлэн болж, гүйцэтгэгч байгууллагаар "Батс-Өргөө" компани ажиллах ч ажил эхлээгүй шалтгаан нь оршин суугчдын нэрийг барьсан хэдэн хүн зохион байгуулалттайгаар эд хөрөнгийг нь эвдэж, элдвээр гүтгэн, хэдэн сая төгрөг нэхжээ. Хэрэв тэр мөнгийг нь өгвөл барилгаа барьж болно гэжээ.
Хамгийн хачирхалтай нь, орон сууцны барилга барих талбайд ногоон байгууламж, хүүхдийн тоглоомын болон хөгшид нарлах талбай алга. Мөн байрны цонх таглах, нарны гэрэл хаах зэрэг оршин суугчдын өдөр тутмын амьдралд харшлах зүйл байхгүй юм байна. Өдгөө тэд "19-ийн бүлэг" гээчийг байгуулан, хүүхэд залуусыг  татаж оролцуулж эхэлжээ. Түүгээр ч зогсохгүй барилгын талбайд ажил үүргээ гүйцэтгэж байсан хамгаалалтын хоёр ажилтанг зодож гэмтээсэн байна.
Энэ талаар дүүргийн За-саг дарга Д.Загджавт хандахад "Та нар тэр мөнгийг нь өгчихөөч. Өмнө нь өгөөд болоод л байсан юм. Би өөрийн тойргийнхоо хүмүү-сийг боль гэж хэлж чадахгүй" гэсэн төрийн албан хаагчийн амнаас гарамгүй үг хэлжээ.
Энэ мэт ашиг завшаан харсан хэсэг хүмүүсийн балгаар ажил зогсоод байгаа аж. Нэгэнт л зохих шийдвэр журмын дагуу зөвшөөрөл өгч газрыг нь олгосон л юм бол ажиллах нөхцөл боломжоор нь хангахыг төрөөс анхаарах цаг болжээ.