Арван хэдэн жилийн өмнө Монголчууд голчлон румын, оросын мебель тавилгаар гэрээ тохижуулдаг байсан vе нэгэнт өнгөрч, эдvгээ өндөр хөгжилтэй орнуудын сонголт арвинтай, чанартай, vзэмжтэй тавилга хэрэгсэл цаг vеэ даган хvчтэй тvрэн орж ирж байна.
өнөө үед дэлгvvр гэрийн болон албан тасалгааны тавилга худалдаалдаг олон газар бий болжээ. Энэ нийтлэл нь  Орон байраа шинэчлэн тохижуулахыг хvсч буй уншигчдад энэ нь сонин байх биз ээ.

Гэр орныхоо тавилга хэрэгслийг хэрхэн сонгох
Гэр орноо тохижуулахад учир бий. Ихэнх хvмуvс эхлээд байр сууцаа шууд засварлаад эхэлдэг л дээ, уг нь гэрийнхээ тавилгыг сонгочихоод засварын ажлаа хийх нь оновчтой. Засаад л байдаг, тэрний дараа тvvндээ зохицсон тавилга сэлт хайгаад явчихдаг. Тэгээд нэг өөртөө таалагдсан мебель аваачсан чинь засвартайгаа хэлбэр загварын хувьд тохирохгvй явдал ч гарна. Орон байрны засвар тохижуулалтад өнгө будгийн зохицол, агуулга хэлбэрийн нэгдэл, орон зайн харьцаа зэргийг сайн анхаарах шаардлагатай.

Засвар хийсэн хийсэн орон сууцанд тавилга сонгох вэ ?
Тохижуулсан өрөөнийхөө хэмжээ дамжаа, хана шалны өнгэ, засвар хийсэн дизайн зэргийг тэмдэглээд эсвэл бvдvvвч план зураг гаргаж ирээд тавилгаа сонгож болно. Тавилга худалдаалдаг дэлгүүрүүдийн дизайнеруудыг гэртээ аваачиж зөвлөгөө авсан ч болно.
Монголд ямар загварын мебель голлон зарагддаг вэ ?
Европын, АНУ, Тайваны классик болон модерн загварын тавилгыг голлон худалдаалдаг. Классик загварын мебель тавьсан бол дан классик маягийн тохижилт, дэглэлттэй байх учиртай. Тэнд модерн ч юм уу, vндэсний маягийн ганц зvйл харагдахад л биш болоод явчихна. Ний нуугvй хэлэхэд сvvлийн vеийн классик болон модерн тавилгын хажууд морин хуур, хадаг энэ тэр огт зохидоггvй. Өөрөөр хэлбэл модерн тавилга тавьсан бол тэр өрөөний хана, цонхны хөшиг, гэрлийн бvрхvvл, хивс, ханын зураг, чимэглэл бvгд л модерн стилийн байж л гоё харагдана гэсэн vг.

Тавилга болон түүнтэй зохицсон чимэглэл
-Зарим тавилгын дэлгүүрийн тавилгууд нь тvvнтэйгээ зохицсон хивс, хөшиг, чийдэнгийн бvрхvvл, ханын зураг, цэцэг, төрөл бvрийн чимэглэл зэргийг бас худалдаалдаг. Донж маяг нь таарсан аливаа чимэглэл тухайн тавилгыг төгс төгөлдөр харагдуулдаг.
Цэцэг, даавуу, хоолны хэрэгсэл нийлээд нөгөө гоё тавилгануудынхаа өнгө vзэмжийг улам товойлгодог гэж vзэж болно. Энд төрөл бvрийн чимэглэл, зурагнууд ч мөн адил. Зураг гэхэд л даавуун, шилэн, тосон, хөөмөл гээд олон янз бий.
Мөн унтраалга, залгуурыг хvртэл бодолцох ёстой. Хивсэнцэр, гишгvvр, vнсний сав, лааны суурийг ч орхилгvй анхаарах нь чухал. Зарим тавилгын дэлгүүрүүд иж бvрэн vйлчилгээ vзvvлэх явдал байдаг. Чамин хээнцэр тавилгатай айлын унтраалга, хаалганы бариул мэт нь энгийн байвал утгагvй.

Гал тогооны, угаалгын, хvvхдийн өрөөний болон албан тасалгааны тавилга хэрэгсэл сонгох
 Гал тогооны, угаалгын, хvvхдийн өрөөний болон албан тасалгааны тавилга хэрэгсэл сонгохдоо тухайн орон сууц, албан конторын байрлал, зориулалт, гадаад дотоод хэлбэр маягтай уялдуулж янз бvрээр хандах шаардлагатай. Мебель тавилга авч буй хvмvvс сонголт хийхдээ онцгой анхаарч, нэлээд цаг заваа зарцуулбал тав арван жилдээ л санаа зовохгvй шvv. Зvгээр нэг ажлын зав чөлөөгөөр хам хум хандах хэрэг биш.