Уржигдар Парисын биржийн байшингийн хажууд хоёр гэр барьжээ. Экологийн хувьд цэвэр сууц сурталчилдаг олон нийтийн нэг байгууллага Францын нийслэлийн хувьд энэ ер бусын арга хэмжээг санаачилсан байна. Гэр бол эрчим хvчний их зардал шаарддаггvй vнэхээрийн маш төгс сууц бөгөөд гэрийг амархан барьж, буулгаж, өөр газарт зөөж болдог гэж дээрх байгууллагын идэвхитнvvдийн нэг хэлэв.

Парисын биржийн шинэ сонгодог загварын байшингийн дэргэд барьсан хоёр гэрийн нэгэнд 50 хавтгай дөрвөлжин метр талбайтай гэрийг аль хэр тvргэн дулаацуулж болдогийг vзvvлэхээр пийшин ч тавьсан байна. Францад янз бvрийн хийцийн гэрийг төвөггvй авч болох бөгөөд хэд хэдэн компани интернэтээр гэр худалддаг юм. Харин эдгээр компани гэрийг хvргэж, эхний удаа барьж өгдөг байна. Одоо тус оронд хоёр зуу гаруй гэр бариад байгаа аж. Хэд хэдэн амралтын газар ийм гэр барьж, уулын зарим зочид буудал гэртэй болсон байна. Францад өөрийн газарт гэр барихад ямар нэг зөвшөөрөл авах шаардлагагvй учир энэ нь хотынхонд зуслангийн гэр барихад төвөг учруулдаггvй байна.