Хорт утаанд умбаад байгаа нийслэлийн утааг багасгах, тvvнчлэн Засгийн газраас санаачилсан 40 000 айлын орон сууц хөтөлбөрийн хvрээнд хэд хэдэн гэр хороололын орон сууцжуулахаар төлөвлөсөн төлөвлөгөөг ерөнхий сайдад өчигдөр Нийслэлийн захирагчийн ажлын албаар зочлох үеэр танилцуулжээ.

Ерөнхий сайд С.Баярт НЗАА-ны бvтэц зохион байгуулалттай танилцсан байна. Нийслэлийн ихэнхи хэсгийг хамарсан гэр хорооллыг орон сууцны хороолол болгоё, vvний тулд дэд бvтцийн асуудлыг нь шийдэж өг гэсэн хvсэлтийг тэд засгийн газарт тавьжээ. Монгол Улсын Ерөнхий сайдад танилцуулж байгаа нийслэлийн шинэ өнгө төрхийг төлөвлөсний дагуу хэрэгжvvлчихвэл Улаанбаатар хот ойролцоогоор 10 жилийн дараа орчин vеийн хот болон сvндэрлэх гэнэ. Гэхдээ ийм томоохон бvтээн байгуулалтын ажлыг хийж гvйцэтгэхэд олон талын сайн муу зvйл нөлөөлөх болохыг Хотын захирагч онцолсон юм. Эдгээр сайн муу зvйлvvдийг хvртэл нарийвчлан тооцож нийслэлийн нийт 10 байршилд 80 гаруй мянган иргэнийг орон сууцанд оруулах ажлыг эхлэхээр болсон гэдгээ хотын мэр засгийн газрын тэргvvнд танилцуулж байлаа. Орон сууцны хороолол барихад хамгийн тvрvvнд шийдэх ёстой асуудал нь дэд бvтцийн асуудал байдаг. Энэ асуудлыг ямар байдлаар шийдэх вэ гэдгийг мэргэжлийн байгууллага нь судлаад дvн шинжилгээ хийгээд бэлэн болгочихсон байгаа юм байна. Харин дэд бvтцийг байгуулахад шаардлагатай 162.2 тэрбум төгрөгийг засгийн газар ямар нэгэн байдлаар олох хэрэгтэй болж байгаа бололтой. Хэрвээ дэд бvтцийг барьж байгуулах хөрөнгө мөнгөний асуудал шийдэгдчихвэл орон сууцны хороолол дороо босчихно гэж мэргэжилтнvvд хэлж байлаа.

Төр засгаас жил бvр томоохон бvтээн байгуулалтын ажил эхлэх гэж байна гэж зарласнаар барилгын материал энэ салбартай холбоотой бараа бvтээгдэхvvний vнэ тэнгэрт хадаж, хил гааль дээр ачааллаа дийлэхгvй таг гацдаг гашуун туршлагыг төрийн тvшээд санаж байгаа байх. Тиймээс энэ асуудлыг ч бодож төлөвлөсөн байх гэж найдаж байна. Одоогийн нийслэлийн гэр хороолол байгаа газар дээр орон сууцны хороолол барьж байгуулчихвал Улаанбаатар хот цомхон хот болох юм байна. Жишээлбэл Чингэлтэй дvvргийн 7-р хороололд одоогийн байдлаар 1500 орчим өрх айл шахцалдан амьдардаг. Харин энэ хорооллыг орон сууцны хороолол болгочихвол 11 мянган айл амьдрахаас гадна цэцэрлэгт хvрээлэн, хиймэл нуур, төр захиргааны байр, эмнэлэг сургууль гээд ер нь дэд бvтэц бvгд эндээ төвлөрөх юм байна.

Гэр хорооллыг орон сууцны хороолол болгох хөтөлбөрийг эхлэхээс өмнө тvр суух мянган айлын орон сууцыг барихаар төлөвлөжээ. Энэ ажил нь гэр хорооллыг орон сууцжуулах хөтөлбөрт иргэд хохирч гэр оронгvй гудамжинд гарчихгvй вий гэж сэрэмжилсэн арга хэмжээ гэж ойлгож болно. Эхний ээлжинд гэр хорооллуудад нийт 2300 айлын орон сууц барьж ойрын хугацаанд ашиглалтанд оруулахаар нийслэлийн захирагчийн алба төлөвлөөд байгаа аж.