Сүүлийн жилүүдээс манай улсад сэргээгдэх эрчим хүчний үйлдвэрлэлийн чиглэлээр тодорхой шат дараатай ажлууд хийгдэж байгаа билээ. Өнгөрсөн 6 сард гэхэд Төв аймгийн Сэргэлэн сумын нутаг “Салхит” гэдэг газарт томоохон хэмжээний салхин цахилгаан станцыг “Ньюком” компани байгуулахаар болж шавыг нь тавьж байсан.

Тэгвэл сэргээгдэх эрчим хүч гаргаж авах талаар хийгдэж байгаа дараагийн шатны ажил болгож, Дорноговь аймгийн Мандах суманд “Престиж Инженеринг” ХХК 80 кВт-ын сэргээгдэх эрчим хүчний цахилгаан станцыг барьж ажлын хэсгийнхэнд шалгуулсан байна. Уг станц нь техникийн нөхцөл хангагдсан найман ширхэг салхин сэнстэй, мөн нөөцийн дизель станцтай юм байна. Салхи багатай vед нөөц станцаар ажиллах чадалтай аж. Мөн Хатанбулаг суманд сэргээгдэх эрчим хүчний бас нэгэн цахилгаан станц баригдахаар зураг төслийн ажилдаа ороод байна.