Өвлийн улиралд хэрэглээний халуун усны тохиргоо алдагдаж нэг хэсэг дулаан доголдох явдал байнга тохиолддог. Дулааны үр ашгийг сайжруулах төслийн хүрээнд Ус, дулаан дамжуулах төвд ялтсан бойлуур гэгчийг суурилуулаад байгаа. Гэвч шинэ техиологи хуучинтайгаа харьшлан дулаан доголдох явдал өнгөрсөн онуудад гарч байсан. Энэ жилээс Ус, дулаан дамжуулах төвуүдийн хэрэглээний халуун усыг тохируулах төхөөрөмжийг шинээр тавьж эхлээд байна. Нийслэлийн хэмжээнд 144 тохируулга хийхээс 22-ыг нь хийжээ. Үлдсэн төхөөрөмжийг суурилуулахад Санхүүгийн хүндрэл үүсээд байгаа аж. Энэ талаар Улаанбаатар хотын Инженерийн байгууламжийн хэлтсийн дарга Ш.Амгаланбаяртай уулзаж ярилцлаа.

-Өвлийн улиралд хэрэгцээний халуун усны тохируулга байнга алдагдаж хүндрэл учруулдаг. Яагаад гэвэл Ус, дулаан дамжуулах төвүүд дээр Дэлхийн банкны дулааны үр ашгийг сайжруулах төсөл хэрэгжиж ялтсан бойлуур тавигдсан. Тиймээс хэрэгцээний халуун усны тохируулгын автомат төхөөрөмж ажиллах боломжгүй болж шинэчлэх шаардлагатай болсон. Өөрөөр хэлбэл техникийн хувьд хуучирч элэгдсэн, өнөөгийн хэрэглээний шаардлагыг хангахгүй байгаа. Улаанбаатар хотын дулааны 40 хувь нь хэрэгцээний халуун усанд зарцуулагддаг. Хэрэгцээний халуун усны тохируулгыг шинэчилснээр дулааны ачааллыг тэнцвэржүүлэх ач холбог-долтой. Энэ ажил Улаанбаатар хотод хийгдэж эхэлсэн. Хэрвээ бүрэн хэрэгжвэл Улаанбаатар хотын дулааны хангамжийн асуудалд дэвшил гарах юм.

-Нийслэлийн Засаг даргын захирамжаар хөрөнгө гаргахаар болсон. Төсвөөс давсан орлогоос санхүүжүүлэх юм. Өвөлжилтийн дулаан жигдрүүлэх хугацаанд бүгдийг нь хийгээд амжчихна гэж бодож байна. Нийт 250 гаруй газар бий. Нэн шаардлагатай 144 газарт тавина гэж тооцоолсноос 20 гаруйд нь суурилуулаад байна. Цаашдаа үлдсэн газруудыг хамруулна.

-Шинэчлэх шаардлагатай гэж жил бүр л ярьж ирсэн. Хөрөнгө мөнгөгүйгээс болж хойшлогдож байсан. Хэрвээ өөрчлөхгүй бол халаалт тавих үеэр байнга л хүндрэл учруулна. Тухайлбал, хэрэгцээний халуун усны буцах температурыг өсгөж нийт системийн хэмжээнд хүндрэл үүсгэнэ.

-Өнөөдөр гэр хороололд 136 мянган айл өрх амьдардаг. Ирэх өвөл бүгдийг нь шахмал түлшээр хангаж, зуухтай болгох хөрөнгө мөнгө нь байхгүй ээ. Гэхдээ эдгээр айл өрхийн гуравны нэгийг нь ямар нэгэн төсөлд   хамруулахыг   зорьж байна. БНСУ-ын нэгэн компани 10 мянган зуухыг тусламж болгон өгөхөөр болсон. Баянзүрх, Сүхбаатар, Чингэлтэй, ХанУул дүүргийн удирдлага болон хороодын Засаг дарга, нийслэлийн Агаарын чанарын албаны мэргэжилтнүүдтэй ярилцан хаана хэнд олгох хуваарийг гаргана. Тус зууханд хэрэглэгдэх шахмал түлшийг мөн иргэдэд олгоно. 180 хоногоор тооцон бодвол нэг өрх 500-700 ширхэг шахмал түлш хэрэглэнэ. Шахмал түлш олгох хөрөнгө мөнгийг хотоос гаргахаар болж байна. Мөн 200 сая долларын асуудлыг шийдчихвэл 25 мянган айл өрхийг цахилгаан халаагуурт шилжүүлэх төсөл яригдаж байгаа. "Төгрөг нуур энерж" компани хагас коксжсон нүүрс гаргах үйлдвэр оруулж ирэн угсарч байна. Ирэх онд хоёрдугаар цахилгаан станц, Багануур дүүрэгт түүхий нүүрс боловсруулах үйлдвэр байгуулагдчихвал нийт өрхийг боловсруулсан нүүрсээр хангах бүрэн боломжтой болно. Дэлхийн банкны төсөл ч ирэх онд хэрэгжиж эхэлнэ.