Монгол Улсын Засгийн газраас “Англи хэл”-ийг албан ёсны хоёр дах хэл болгон зарлаад үндэсний хөтөлбөрүүдийг хэрэгжүүлж эхлээд байна. Энэ хөтөлбөрийн хүрээнд Монголын Барилгын Инженерүүдийн Холбоо “Ногоон барилга- Эрчим хүчний хэмнэлт” сэдэвээр “Барилгын мэргэжлийн англи хэл”-ний тэмцээнийг энэ сарын 22-нд зохион байгуулах гэж байна.

 

Уг тэмцээн нь барилгын мэргэжлээр сурч буй оюутан сурагчидын англи хэлний мэдлэгийг дээшлүүлэх, мэргэжлийн үгийн баялгийг үнэлэх, урамшуулах, тэдний идэвхи санаачлага, нийгмийн оролцоог нэмэгдүүлэх зорилгоор ШУТИС- БИАС, Барилгын коллеж, Техник технологийн коллежийн оюутнуудын дунд зохион байгуулж байгаа аж.

Тэмцээнийг англиас монгол руу, монголоос англи руу орчуулах, эх сонсоод ойлгосноо ярих, асуултанд хариулах гэсэн хэлбэрээр явагдана.

 

Оролцогчдыг 12-ыг дуустал сургууль тус бүрийн харъяа тэнхмүүдэд бариуцсан багш нар бүртгэж байна.

 

Дэлгэрэнгүй мэдээллийг 330985,330986 утсаар авна уу.