Янз бүрийн саад төвөгтэй зүйлсийг ганцхан энгийн санаа байхад л шийдчихэж болдог ажээ. Ийм шийдлийг дизайнер Катерина Грин гаргажээ.

Катерина Грин Лондон дахь хааны урлагийн коллежийг дүүргэжээ. Түүний гол сонирхдог зүйл нь нэхмэл эдлэл аж. өөрөөр хэлбэл, энд үзүүлсэн тавиурыг бүтээхэд даавуу гол үүрэг гүйцэтгэсэн байна. Тавиур өндөр нам, зай хэмжээнээсээ болоод аливаа зүйлийг байрлуулахад төвөгтэй байдаг шүү дээ. Чухамхүү энэ асуудлыг шийдэх үүднээс “Хуйлдаг тавиур”-ыг зохиожээ. Түүний шийдлээр бол тавиурын зарим хэсгийг том гадаргуутай сав суулгыг байрлуулахын тулд хуйлах юм.

Тавиурын дээд хэсгийг бат бэх бөгөөд зузаан даавуугаар хийж, доор нь буцаан дэлгэхэд яг таарч, задрахгүй байхаар жижиг брус моднуудыг нааж өгчээ. Оролдоод үзэхэд дажгүй санаа байгаа биз.