Шатны насжилтанд анхаарах цаг болжээ
Barilga
2019-11-05
Улаанбаатар хотод 15-аас дээш жил ашиглагдсан 876 цахилгаан шат байдаг. Эдгээрээс 2006-2010 онд нийт 135 цахилгаан шат шинэчлэгдсэн бөгөөд одоо 741 цахилгаан шатыг шинэчлэхэд 32.5 тэрбум төгрөг шаардлагатай байгаа юм. Нийслэлийн Мэргэжлийн хяналтын газраас 2010 онд 270 цахилгаан шатыг цаашид ашиглах боломжгүй гэж үзэн бүрэн зогсоогоод байна.
Цахилгаан шатны засварын ажлыг хийхтэй холбоотой асуудлыг 2003 онд батлагдсан СӨХ-ын Эрх Зүйн Байдал Нийтийн Зориулалттай Орон Сууцны Байшингийн Дундын Өмчлөлийн Эд Хөрөнгийн тухай хуулийн 16.6-д “Орон сууцны байшингийн ашиглалтын хугацаанд дундын өмчлөлийн эд хөрөнгөнд хамаарах дээвэр, цахилгаан шат зэрэгт их засвар хийх үед их хэмжээний хөрөнгө шаардагдах бол барилгын хяналтын байгууллагын дүнэлтийг үндэслэн улсын болон орон нутгийн төсвөөс нэг удаа санхүүжүүлж болно” гэж заасан байдаг. Харин 2008 онд гаргасан 248 тоот тогтоолд цахилгаан шатыг шинэчлэхэд шаардагдах хөрөнгийн 55.0 %-ийг улсын төсвөөс, 40.0 %-ийг орон нутгийн төсвөөс, 5.0 % -ийг СӨХ-аас тус тус гаргана гэж заасан байна.
Ингээд засвар хийгдсэн, шинэчлэгдсэн цахилгаан шатыг хүснэгт, графикаар танилцуулж байна.
| Д/д | Засвар хийгдсэн он | Хөрөнгө оруулалт | Лифтийг нь зассан байрны тоо | Зарцуулагдсан хөрөнгө |
| 1 | 2006 он | |||
| Улсын хөрөнгөөр | 7 | 200 сая төгрөг | ||
| Нийслэлийн хөрөнгө оруулалтаар | ||||
| УИХ-ны хөрөнгө оруулалтаар | 3 | 100 сая төгрөг | ||
| Дүн | 10 | 300 сая төгрөг | ||
| 2 | 2007 он | |||
| Улсын хөрөнгөөр | 14 | 458 сая төгрөг | ||
| Нийслэлийн хөрөнгө оруулалтаар | 9 | 225 сая төгрөг | ||
| УИХ-ны хөрөнгө оруулалтаар | 4 | 120 сая төгрөг | ||
| Дүн | 27 | 803 сая төгрөг | ||
| 3 | 2008 он | |||
| Улсын хөрөнгөөр | 30 | 963,5 сая төгрөг | ||
| Нийслэлийн хөрөнгө оруулалтаар | 15 | 500 сая төгрөг | ||
| УИХ-ны хөрөнгө оруулалтаар | 12 | 409,5 сая төгрөг | ||
| Дүн | 57 | 1873 сая төгрөг | ||
| 4 | 2009 он | Улсын хөрөнгөөр | 3 | 100 сая төгрөг |
| 5 | 2010 он | |||
| Нийслэлийн хөрөнгө оруулалтаар | 35 | 1350 сая төгрөг | ||
| УИХ-ны хөрөнгө оруулалтаар | 2 | 75 сая төгрөг | ||
| Дүн | 37 | 1425 сая төгрөг | ||
| 6 | 2011 он | |||
| Улсын хөрөнгөөр | 106 | 4000 сая төгрөг | ||
| Нийслэлийн хөрөнгө оруулалтаар | 15 | 650 сая төгрөг | ||
| УИХ-ны хөрөнгө оруулалтаар | 3 | 120 сая төгрөг | ||
| Дүн | 124 | 4770 сая төгрөг | ||
| Нийт дүн | 258 | 9271 сая төгрөг |