Зурвас бичих
Messenger
Залгах
- Barilga
- 2019-11-05
Улаанбаатар хот минь өнгө зүс муутай самбараас салах нь ээ
Улаанбаатар Самбарбаатар болоод удаж байгаа. Элдэв эрээн мяраан, өнгө зүс нь бүүдгэр, том жижиг, муухай сайхан, урагдаж хуучирсан гээд зүс бүрийн самбар их болжээ. Сүүлийн үед гудамжны самбаруудыг буулгаж байгаа сурагтай. Өчигдөр самбар буулгаж буй хүмүүстэй уулзсан юм. Тэд өглөө 08.00 цагаас ажлаа эхэлсэн байна. Биднийг 12.00 цагт очиход Төмөр замын соёлын ордны урд байсан нэлээд том самбарыг буулгаж байв. Дөрвөн гагнуурчин төмөр хүрээг нь салгаж, хулдаасыг хумиж машиндаа ачаад хөдлөв.
Баруун дөрвөн замаас зүүн тийш эргэсэн төв зам дагуух гэрлийн шонд бөхөлсөн нэлээд олон рекламыг тэд бас буулгасан, Эндээсээ вокзал, Тээврийн товчоо ордог зам дагуух самбаруудыг ачив. Ажлын хэсгийнхэн дээр биднийг очих үеэр Төмөр замын соёлын ордны ажилтан эмэгтэй "Дарга байхгүй байгаа, Ядаж хоёр хөлийг нь үлдээчих. Дахиж ингэхгүй" гэж гуйснаар самбарын хөлийг нь үлдээв. Хаана, ямар реклам байрлуулж болох, хэмжээ дамжаа нь хэр байдаг талаар сонирхдог, Монгол Улсад ямар хууль тогтоомж үйлчилдгийг мэддэг, судалдаг, дүрэм журмын дагуу зөвшөөрлөө авья гэх хувь хүн, албан байгууллага ер байдаг болов уу.
Ажлын хэсгийг ахалж буй Улаанбаатар хотын Захирагчийн ажлын элбаны мэргэжилтэн Б.Сарантуяатай уулзлаа.
-Аян эхлээд нийт хэчнээн самбар буулгаад байна?-400 гаруй, Энхтайваны өргөн чөлөө, Бага тойруу, Самбуугийн, Эрхүүгийн, Магсаржавын (гудамжуудын самбарыг буулгалаа. Нийслэлд нийт 480 том, 3800 гаруй жижиг самбар бий.
-Голдуу ямрыг нь буулгаж байгаа юм бэ?
-Төв гудамжны замын хажуугаар байрлуулсан самбаруудыг буулгана. хэдий зөвшөөрөлтэй ч хөдөлгөөний аюулгүй байдалд саад учруулсан, хотын өнгө үзэмжид сөргөөр нөлөөлсөн, хураамжийг нь төлөөгүй рекламуудыг ч буулгана.
-Том самбаруудыг ч ялгахгүй биз дээ?
-Бүгдийг хамруулна. Гудамжны төгсгөлд, нарийхан гудамжинд гээд хэмжээний хувьд ялгаатай нэгэн жигд амбар байрлуулах журамтай, жишээлбэл, гудамжны төгсгөлд гурван талтай 4x9 метр хэмжээтэй самбар байх ёстой. III, IV хорооллын замын голоор байгаа самбарууд Зхб метр. Тогтсон хэмжээнээс томруулсан, олон сар жилээр рекламаа солиогүй, хууль бус сурталчилгаа явуулсан компаниудын самбарыг буулгана.
-Хууль зөрчсөн хувь хун, албан байгууллагад ямар хариуцлага тооцдог вэ?
-Торгох, сурталчилгаа явуулах эрхийг түдгэлзүүлэх заалт бий. Албан тоот хүргүүлнэ, шаардлага биелүүлэхгүй бол шууд буулгаж байгаа. Уржигдар "IRISH" баарны задгай талбайд байдаг тайзыг буулгасан. Шар айраг сурталчилсан учраас. Өмнө нь нэлээд хэдэн удаа шаардах бичиг хүргүүлсэн ч биелүүлээгүй юм.
-Өнгө зүс муутай самбараас бүрэн салах арга байна уу?
-Үнийн бодлогоор зохицуулахаар болсон. Том самбар байрлуулахын тулд Төрийн санд багагүй мөнгө төлнө. Реклам өөрөө үнэтэй бүтдэг. Дээр нь хураамж төлөхөөр тэр бүр өгч чадах байгууллага цөөн болж, аяндаа цэгцлэгдэх биз. 2008 оны эхээр үр дүнгээ өгч эхэлнэ байх гэв.