“МОНГОЛ БАРИЛГА -2010” дэвшилтэт технологийн үзэсгэлэн болно
Barilga
2019-11-05
Барилгын салбарт шинэ дэвшилтэт техник технологи, бүтээгдэхүүн нэвтрүүлж байгаа ААН байгууллагуудын мэдээллийг олон нийтэд хүргэх, сурталчилах зорилгоор “МОНГОЛ БАРИЛГА - 2010” дэвшилтэт технологи, бүтээгдэхүүний үзэсгэлэнг 2010 оны 4 сарын 30-с 5 сарын 3-ны өдрүүдэд МҮХАҮТанхимын үзэсгэлэнгийн танхимд зохион байгуулагдах гэж байна.
“МОНГОЛ БАРИЛГА - 2010” үзэсгэлэнгээр барилгын салбарт шинэ дэвшилтэт техник технологи нэвтрүүлж байгаа ААН байгууллагуудын дэвшилтэт техник технологи, бүтээгдэхүүнүүдийг танилцуулахаас гадна “Barilga High Technology” онол практикийн бага хурлын шилдэг бүтээлүүдийг олон нийтэд хүргэх болно.
Мөн 4000 айлын орон сууц хөтөлбөрийн хүрээнд иргэд, төрийн албан хаагчид шинэ орон сууцыг идэвхтэй хайж, эрэлт нэлээд нэмэгдэж байгаа энэ үед орон сууц борлуулж байгаа компаниуд үзэсгэлэнд оролцож борлуулалтаа нэмэгдүүлэх бүрэн боломжтой.
Үзэсгэлэн яармагийн ерөнхий зохион байгуулагчаар “Барилга.МН”, хамтран зохион байгуулагчаар ЗТБХБЯ, МҮХАҮТ Барилгын зөвлөл, МБИХолбоо, ШУТИС, Барилгын коллеж зэрэг байгууллагууд оролцож байна. Мөн үзэсгэлэн яармагийн шилдгүүдийг шалгаруулах болно.
Дэлгэрэнгүй мэдээллийг 70113333, 88084707, 88008088, 88706369 дугааруудаас лавлана уу.