Нас барсан хэн нэгний дурсгалд эсвэл мөнгөтэй нэг нь нийслэлд хөшөө, дурсгал байгуулдаг нь хатуу боловч үнэн. Үүнийг цэгцлэх үүднээс “Улсын нийслэлд хөшөө дурсгал, хүндэтгэлийн самбар байрлуулах журам”-ыг батлан гаргалаа. Эл журмаар хөшөө дурсгалыг ямар шалгуураар байгуулах, ашиглалт хамгаалалтыг хэн хариуцахыг заагаад өгөх юм байна. Өмнө нь энэ асуудлыг гудамжны нэр хаяг өгөх журамд хавсарган зохицуулдаг байж. Журмаар хөшөө, дурсгалыг барих санаачлагыг гаргасан байгууллага, хувь хүмүүс санхүүжилт, ашиглалтыг нийслэлийн Соёлын газартай гэрээ байгуулан хариуцах аж.

 

Нийслэлийн Барилга, хот байгуулалт, төлөвлөлтийн газраас Тэргүүлэгчдийн хуралд оруулсан бас нэг асуудал нь барилга байгууламж, дэд бүтцийг мэдээллийн санд бүртгэж, иргэдийг мэдээллээр хангах тухай байсан бөгөөд үүнийг зөвшөөрлөө. Тухайн барилгын хийц, бүтээц, элэгдэл хорогдол, хүчин чадал, инженерийн хангамж, газар хөдлөлтөд хэр тэсвэртэй зэрэг бүх талын мэдээлэл энэхүү санд багтана. Нийслэлийн Иргэдийн төлөөлөгчдийн хурлын Тэргүүлэгчдийн хуралдаанаар Хөрөнгө оруулалтын газар болон нийслэлийн Зураг төслийн хүрээлэн гэсэн нийслэлийн өмчит улсын үйлдвэрийн газар байгуулах асуудлыг дэмжсэн юм.  

 

 

Улаанбаатар Таймс