БНСУ-ын Олон улсын хамтын ажиллагааны байгууллага буюу "КОЙКА", Газрын харилцаа, барилга, геодези, зураг зvйн газар (ГХБГЗЗГ) хамтран "Монгол Улс, Улаанбаатар хотын байрзvйн зураг зохиох" төслийг хэрэгжvvлэхээр боллоо. Төсөл хэрэгжvvлэх гэрээнд Монголын талаас Сангийн яамны Зээл, тусламжийн бодлого, хамтын ажиллагааны газрын дарга Б.Хvрэнбаатар, ГХБГЗЗГ-ын дарга Ш.Батсvх, БНСУ-ын талаас "КОЙКА"-гийн төслийн хэрэгжилтийн судалгааны багийн тэргvvлэгч Ли Донг Ку нар гарын vсэг зурав.

 

Төслийн хvрээнд нийслэлийн 100 км.кв орчим талбайд газар зохион байгуулалт, барилга, хот төлөвлөлтийн зориулалтаар 1:1000-ны масштабтай байрзvйн зураг зохиох юм. Энэ нь байрзvйн зургийг агаарын зураглалын аргаар хийж солбилцлын нэгдсэн тогтолцоонд иж бvрэн хийх шинэчлэл аж. Уг төслийг боловсронгуй болгох зорилгоор Солонгосын тал "КОЙКА"-гийнхан тоног төхөөрөмж, тээврийн хэрэгслийг нийлvvлж, манай мэргэжилтнvvдийг сургалтад хамруулна.

 

Төсөл хэрэгжсэнээр зөвхөн байрзvйн зураг бус гурван хэмжээст тоон газрын загвар vvсэх юм. Өөрөөр хэлбэл, нийслэлийн газрын гадаргуу ямар байгаа, хаанаа хотгор, гvдгэртэйг компьютерийн дэлгэцээр харах боломжтой гэсэн vг. Ингэснээр дахин төлөвлөлт хийх, барилгажуулах хэсгvvддээ ямар барилга барих, газрын ландшафтад нь яаж тохируулахаа гурван хэмжээст газрын загвараас мэдэх боломжтой.

 

Мөн олон жил ярьж байгаа нийслэлийн хуучирсан орон сууцнуудыг дахин төлөвлөлтөд оруулж шинийг барих, төвийн хэсгийн кадастрын зураглалыг боловсронгуй болгож, шинэчлэх, янз бvрийн хэсэгчилсэн ерөнхий төлөвлөгөө боловсруулахад ашиглах юм байна.

 

Үнэн