Монгол улсын Засгийн Газараас Англи хэлийг албан ёсны хоёр дахь хэл болгон зарлаад үндэсний хөтөлбөрүүдийг хэрэгжүүлж байна. Манай орны барилгын салбарт мэргэжлийн англи хэлтэй мэргэжилтэний шаардлага зайлшгүй гарч байгаатай холбогдуулан тус Холбоо нь барилгын салбарт инженер мэргэжилтэн бэлтгэдэг их дээд сургууль, коллежуудын оюутнуудын дунд “Барилгын мэргэжлийн англи хэл”-ний тэмцээнийг хоёр дахь удаагаа амжилттай зохион байгууллаа.

 

Тус Тэмцээнийг “Эрчим Хүчний Хэмнэлттэй Барилга” сэдвийн хүрээнд 2010 оны 4-р сарын 3-ны Бямба гаригт ШУТИС-ийн ТВ Зааланд зохион явуулсан ба нийт хамрагдсан их сургууль, коллежуудаас шалгарсан 13 оюутан оролцсон бөгөөд тэдгээрээс 5 оюутан  түрүүлж эхний 3 байрыг эзэлсэн ба 90 гаруй үзэгч хөгжөөн дэмжигч оюутнууд ирж хөгжөөн дэмжлээ. Тэмцээний шалгууруудыг олон улсын хэмжээнд зөвшөөрөгдсөн TOEFL, IELTS зэрэг шалгалтуудын үндсэн шалгуурууд болох унших, ярих, бичих, сонсгол шалгах зэрэг дээр суурилан бэлтгэсэн юм.

 

Шалгарч, байр эзэлсэн 5 оюутнуудаа танилцуулвал, 1-р байрыг 142,2 оноогоор ШУТИС-Барилгын Инженер Архитектурын Сургуулийн Архитектурын 3-р ангийн оюутан Ч.Ариунзаяа , 2-р байрыг 117,6 оноогоор ШУТИС- Барилгын Инженер Архитектурын Сургуулийн Барилгын Менежментийн 3-р ангийн оюутан М.Номиндарь, 3-р байрыг 109,8 оноогоор Барилгын Коллежийн Иргэний ба Үйлдвэрийн Барилгын Инженерийн 2-р ангийн оюутан М.Түвшинжаргал, 104,2 оноогоор Барилгын Коллежийн Иргэний ба Үйлдвэрийн Барилгын Инженерийн 1-р ангийн оюутан С.Эрхэмбаатар, 99,4 оноогоор ШУТИС- Барилгын Инженер Архитектурын Сургуулийн Иргэний ба Үйлдвэрийн Барилгын Инженерийн 3-р ангийн оюутан Э.Эрхэмбаяр нар шалгарсан байна. 

 

Тэмцээнийг зохион байгуулах ажлын комисст МБИХ-ны ерөнхийлөгч Э.Ганзориг, ШУТИС-БИС-ийн захирал, МБИХ-ны УЗ-ийн гишүүн П.Отгонбаяр, МБИХ-ны гүйцэтгэх захирал Б.Гантөмөр, менежер П.Жавзанпагма, Г.Өлзий, БКоллежийн Ерөнхий Эрдмийн Тэнхимийн эрхлэгч Энхжаргал, ТТКоллежийн Англи хэлний багш Ундрах, Мөнх-Эрдэнэ, ШУТИС-БИАС-ийн Авто Замын Инженерийн тэнхимийн багш Болормаа нар ажиллаа.

Шүүгчдээр, МБИХ-ны ерөнхийлөгч Э.Ганзориг, МБИХ-ны УЗ-ийн гишүүн, Хөнгөн Бетон ХК-ний захирал Б.Эрдэнэчимэг, Оюу Толгой Төслийн Инженерийн Албаны Ерөнхий Инженер К.Мурат, НҮБХХ, БЭХХТөслийн Техникийн хөгжил, сургалт хариуцсан ажилтан Ц.Баттөр, Raffles International Institute-н Сургалтын Зохицуулагч Andrew Turner нар ажиллаа. 

 

 

Тэмцээнийг зохион байгуулах ажлыг дэмжин, хамтран ажиллаж, ивээн тэтгэсэн НҮБХХ, Барилгын Эрчим Хүч Хэмнэлтийн Төсөл, Улаанбаатар хотын Эрчим Хүч Хэмнэлтийн Төв, Барилгын зураг төслийн “Орхон Констракшн” ХХК, Барилга угсралтын “Химон Констракшн” ХХК болон ШУТИС, Барилгын Инженер Архитектурын Сургууль, Техник Технологийн Коллеж, Барилгын Коллежийн хамт олонд талархал илэрхийлье. 

Тэмцээнд түрүүлсэн оюутнуудад Австралийн нийслэл Сидней Хотод 2010 оны 8-р сарын 8-12нд зохиогдох Азийн Бүсийн Барилгын Инженерийн 5-р Их Хурлын хүрээнд явагдах Азийн орнуудын Барилгын салбарт суралцаж буй оюутнуудын дунд ЭССЭ шалгаруулах уралдаанд оролцох эрхийг олгож байгаа юм.