Үнэхээр гайхалтай санаа шүү. Гутал буюу ер нь элдэв жижиг сажиг зүйлс хийх хайрцагийг шатны гишгүүрийн дор хийх!

Энэ ер бусын санааг Америкийн тавилгын загвар зохион бүтээгч Эмили Пиллотон (Emily Pilloton) олсон байна. Энэхүү шинэлэг санааг харуулах зурагийг нь оруулсан байгаа учраас та ч гэсэн гэртээ хийж болно шүү. Танай гэр зай завсар муутай бол яагаад үүнийг туршаад үзэж болохгүй гэж? Танд хэдэн гар багаж л хэрэг болно.

Зохион бүтээгч Эмили энэхүү санааныхаа талаар бодож боловсруулах зүйл нилээд ихтэй байгаа аж. Жишээ нь, шөнө хайрцагийн шургуулгыг онгорхой орхисон бол яах вэ? Мэдээж, аюултай шүү дээ. Энэ тал дээр дахин сайн төлөвлөх хэрэгтэй гэнэ. Магадгүй шургуулгыг үргэлжид хаалттай байлгахын тулд пүрш юмуу резин татлага хийж болох юм.

Түүнээс гадна, хайрцаг хийчихвэл шатны гишгүүрийн тавцан амархан эвдэрч мэднэ. Шатны гишгүүрийн дор байрлах иймэрхүү шүүгээ хийлээ гэхэд, хэрэв гишгүүр нь урт бол дунд нь тулгуур болгох байдалтайгаар хоёр шургуулгатай хийж болно.