1. Бодлогын чиглэлээр:

“Төмөр замын зурвас газрын төсөлд тавих шаардлага” стандартын төслийг эцэслэн боловсруулж Стандартчилал, хэмжилзүйн үндэсний зөвлөлийн энэ оны 2 дугаар сарын 25-ны өдрийн хурлаар хэлэлцүүлэн батлуулав.

“Авто замын салбарын норм, стандартыг 2012 он хүртэл боловсронгуй болгох хөтөлбөр”-ийг ЗТБХБ-ын сайдын 2010 оны 03 дугаар сарын 03-ны өдрийн 52, “Авто зам, замын байгууламжийг хаах, чиглэл өөрчлөх, тээврийн хэрэгслийн тэнхлэгийн даацад хязгаарлалт хийх журам”-ыг сайдын 2010 оны 03 дугаар сарын 23-ны өдрийн 80 тушаалаар батлуулан хэрэгжүүлж байна. Эргэн төлөгдөх нөхцөлтэйгээр 2010 онд баригдаж эхлэх авто замуудын барилгын ажлын хяналтыг зөвлөх үйлчилгээгээр гүйцэтгүүлэх асуудлыг ЗТБХБ-ын Сайдын 2010 оны 76 дугаар тушаалаар шийдвэрлэв. Авто зам, замын байгууламжийг барих, засварлах ажлын тусгай зөвшөөрөл олгох журмыг Хууль зүй, дотоод хэргийн яаманд хүргүүлж нийтээр дагаж мөрдөх шийдвэрийн улсын нэгдсэн бүртгэлд бүртгүүлэв.

Монголын сууц өмчлөгчдийн холбоодын Дээд зөвлөлтэй 2010-2012 онд хамтран ажиллах гэрээний төслийг хянан боловсруулж, ЗТБХБ-ын сайдаар батлуулав.

“Баруун бүсийн газар зохион байгуулалтын ерөнхий төлөвлөгөө”-г Зам, тээвэр барилга, хот байгуулалтын сайдын 2010 оны 03 дугаар сарын 18-ны өдрийн 64 дугаар тушаалаар батлуулсан.

Аймаг дундын отрын бэлчээрийн зориулалтаар газрыг улсын тусгай хэрэгцээнд авах тухай асуудлыг Засгийн газрын 2010 оны 3-р сарын 17-ны өдрийн хуралдаанаар хэлэлцүүлж Засгийн газрын тогтоол гаргуулав.

“Иргэний нисэхийн эсрэг заналхийллийн үед авах арга хэмжээний нэгдсэн журам”-ыг Сайдын 2010 оны 03 дугаар сарын 19-ний өдрийн 71 дүгээр тушаалаар, ИНД-171 “Агаарын навигацийн үйлчилгээний техникийн байгууллага-үйл ажиллагаа ба гарчилгээжүүлэлт” ИНД-172 “Нислэгийн хөдөлгөөний үйлчилгээний байгууллага, гэрчилгээжүүлэлт”-ийг Сайдын 2010 оны 03 дугаар сарын 22-ны өдрийн 75 дугаар тушаалаар, ИНД-12 “Осол, зөрчлийн талаар мэдээлэх”-ийг Сайдын 2010 оны 03 дугаар сарын 22-ны өдрийн 77 дугаар тушаалаар, ИНД-139 “Аэродромын гэрчилгээжүүлэлт, үйл ажиллагаа”, ИНД-175 “Нисэхийн мэдээллийн үйлчилгээний байгууллага, гэрчилгээжүүлэлт”-ийг Сайдын 2010 оны 03 дугаар сарын 22-ны өдрийн 78 дугаар тушаалаар батлуулж, мөн тушаалаар ИНД-73 “Тусгай зориулалтаар ашиглах агаарын зай”-д нэмэлт, ИНД-92 “Аюултай ачаа тээвэрлэх”-д нэмэлт, өөрчлөлтийг оруулан баталгаажуулав.

Барилгын норм, норматив боловсруулах сангийн хөрөнгөөр 2009 онд хийсэн ажлын тайлан болон 2010 онд гүйцэтгэх ажлын төлөвлөгөөний төслийг Сангийн удирдах зөвлөлийн 2010 оны 3-р сарын 24-ний өдрийн хурлаар хэлэлцүүлж батлуулсан.

2. Зохицуулалтын чиглэлээр:

Агаарын хөлгийн шатахууны хангалт саатаж, авиакомпаниудын гадаад, дотоодын нислэгийн үйл ажиллагаа зогсоход хүрч болзошгүй байсантай холбогдуулан Иргэний нисэхийн ерөнхий газар, МИАТ ХК, шатахуун импортлогч Сод Монгол компани, нийлүүлэгч А-жет компаниудтай уулзалт зохион байгуулж, өр төлбөрийг барагдуулах, шатахуун нийлүүлэлт, ачилтын талаар үүсээд байсан маргаантай асуудлыг шийдвэрлэх, тасалдалгүй нийлүүлэх үүрэг чиглэлийг холбогдох компаниудад өгөх зохицуулалтын арга хэмжээ авч, шатахуун хангалтын хэвийн үйл ажиллагааг бүрдүүлсэн.

Чойбалсан –Хайлаар чиглэлд 3 дугаар сарын 10-ны өдрөөс олон улсын хуваарьт нислэг гүйцэтгэж эхлэхтэй холбогдуулан Чойбалсангийн нисэх буудал дээр хилийн хяналтын байгууллагуудын үйл ажиллагааг явуулахад шаардлагатай байр, өрөө, тоног төхөөрөмжийн хангалтын асуудлыг ТХЕГ, ХХЕГ, ГЕГ, Гадаадын иргэн, харъяатын асуудал эрхэлсэн газар, ИНЕГ зэрэг байгууллагуудтай хамтран газар дээр нь үзэж, холбогдох зохицуулалтыг хийсэн.

“МИАТ” ХК-иас Улаанбаатар-Москва-Берлиний чиглэлд 4, 5 болон 10 дугаар саруудад нислэгийн давтамжийг нэг байлгах, Пүрэв гарагийн нислэгийг цуцлах хүсэлтийг судлан, Европын чиглэлд суудлын хязгаарлалтгүй ашиглах боломжтой Аэробус-310 агаарын хөлөг их засвараас гараагүй байгаа, мөн дээрх нислэгийн чиглэлийн зорчигч урсгал бага байгааг харгалзан 4 дүгээр сарын 4 нислэгийг цуцлан, энэ 4 дүгээр сарын 29-ний өдрийн Пүрэв гарагаас нислэгийг эхлүүлэхээр шийдвэрлэсэн.

Далай ашиглах салбарт төр, хувийн хэвшлийн түншлэлийн талаар баримтлах бодлогыг тодорхойлох уулзалтыг 2010 оны 3 дугаар сарын 12-ны өдөр зохион байгуулж, “Далай ашиглах тухай хуульд нэмэлт, өөрчлөлт оруулах тухай” хуулийн төсөлд хувийн хэвшлийн зүгээс гаргасан зарим саналыг тусган боловсруулж байна.

БНСУ-ын Экспорт-Импорт банкны хөнгөлөлттэй зээлийн хөрөнгөөр “Бүс нутгийн авто зам хөгжүүлэх төсөл”-ийн хүрээнд Чойр-Сайншанд чиглэлийн 176.4км хатуу хучилттай авто замын барилгын ажил гүйцэтгэж байсан Ханшин инженеринг компанитай байгуулсан гэрээ цуцлагдсантай холбогдуулан гүйцэтгэгч байгууллагатай эцсийн төлбөр тооцоо хийх асуудлаар харилцан тохиролцоллоо.

Улсын төсвийн хөрөнгөөр 2009 онд хэрэгжсэн авто зам, гүүрийн барилгын ажил гүйцэтгэх гэрээг дүгнэж, Сайдын зөвлөлд хуралдаанд оруулан хэлэлцүүлэв.

Гэрээний үүргээ биелүүлээгүй, гэрээний хугацаа хэтэрсэн, хүлээлгэж өгөөгүй гэрээт ажилтай 30 (гучин) нэр бүхий авто зам, барилга, угсралт, зураг төслийн аж ахуйн нэгжүүдийг гэрээт ажлаа хийж дуусгаж, ашиглалтанд хүлээлгэн өгөх хүртэл хугацаагаар улсын төсөв, гадаадын зээл, тусламжийн хөрөнгөөр авч хэрэгжүүлэх бараа, ажил, үйлчилгээ худалдан авах ажиллагаанд оролцуулахгүй байх арга хэмжээ авах тухай ЗТБХБ-ын Сайдын 2010 оны 03 дугаар сарын 23-ны өдрийн 79 дүгээр тушаалыг батлуулан мөрдөж эхлээд байна.

Засгийн газрын 246-р тогтоолоор батлагдсан “Ариун цэврийн байгууламжийг сайжруулах хөтөлбөр”-ийн хэрэгжилтийг удирдлага, зохицуулалтаар хангах үүрэг бүхий, ЗТБХБ-ын сайдын 2009 оны 11-р сарын 24-ний 315-р тушаалаар байгуулагдсан салбар дундын ажлын хэсгийг энэ оны 03-р сарын 22-нд хуралдуулж, 2010 оны төлөвлөгөөний төслийг хэлэлцээд сайдын тушаалаар батлуулахаар шийдвэрлэв.

2010 онд Улсын төсвийн хөрөнгө оруулалтаар Төв аймгийн Зуунмод хотод баригдах цэвэрлэх байгууламж, Өвөрхангай аймгийн Хархорин сумын цэвэр, бохир усны шугамын шинэчлэлт, Дархан хотын үерийн хамгаалалтын далан барих гүйцэтгэгчийг сонгон шалгаруулав.

Засгийн газрын 2009 оны 368 дугаар тогтоолын дагуу төрийн албан хаагчдыг орон сууцны зээлд хамруулах ажлыг Орон сууцны санхүүжилтийн корпорацаар дамжуулан зохион байгуулж байна. Өнөөдрийн байдлаар 778 хүн зээлийн материалаа бүрдүүлж өгсөний 119 нь худалдан авах орон сууцаа сонгосон ба тэдгээрт 4.0 орчим тэрбум төгрөгийн эх үүсвэр шаардлагатай тооцоо гараад байна. Сангийн яам 8 хувийн хүүтэй бонд гаргахаар Монголбанктай тохирсон болно.

Германы техникийн хамтын ажиллагааны нийгэмлэгийн санхүүжилтээр хэрэгжүүлж байгаа “Хотын хөгжлийг дэмжих хөтөлбөр”-ийн төслийн удирдах хорооны хурлыг 2010 оны 03 дугаар сарын 01-ний өдөр зохион байгуулж, төслийн 2010 оны үйл ажиллагааны төлөвлөгөөг хэлэлцэн баталж, Монгол-Германы “Берлин” эко хотхоны ерөнхий төлөвлөгөөний талаар хэлэлцэн холбогдох тооцоо судалгааг нарийвчлан гаргаж яамны Шинжлэх ухаан, технологийн зөвлөлд танилцуулахыг төслийн нэгжид үүрэг болгов.

Азийн хөгжлийн банкны хөнгөлөлттэй зээлийн хөрөнгөөр санхүүжигдсэн “Кадастрын зураглал ба газрын бүртгэл” төслийн хүрээнд хийгдсэн Үндэсний газрын мэдээллийн системийг хүлээж авах ажлын хэсэг туршилтын ажлыг хийж, баталгаат хугацаанд хийгдэх ажлын гэрээ байгуулж, 2010 оны 03-р сарын 19-ны өдөр түлхүүр гардуулах ажиллагаа болж уг системийг хүлээн авсан.

Барилга угсралт, зураг төсөл боловсруулах, нийтийн аж ахуйн үйлдвэрлэл үйлчилгээ эрхлэх тусгай зөвшөөрөл олгох асуудлаар урьдчилсан дүгнэлт гаргах ажлын хэсгийн хуралдааныг 6 удаан зохион байгуулж нийтдээ 139 аж ахуйн нэгж, байгууллагын тусгай зөвшөөрлийн асуудлыг шийдвэрлэж дүгнэлт гарган улмаар сайдын тушаалаар баталгаажуулав.

Геодези, зураг зүйн тусгай зөвшөөрөл, газар зохион байгуулалтын мэргэжлийн байгууллагыг сонгон шалгаруулах комиссыг хуралдуулж, 9 аж ахуйн нэгж байгууллагын тусгай зөвшөөрөл, мэргэжлийн байгууллагын эрхийг ЗТБХБ-ын сайдын 2010 оны 3-р сарын 22-ны өдрийн 74 дугаар тушаалаар сунгасан.

3. Санхүү, хөрөнгө оруулалтын чиглэлээр:

Улсын төсвийн хөрөнгө оруулалт, замын сангийн болон гадаадын зээл, тусламжийн хөрөнгөөр хэрэгжүүлэх барилга, зам, гүүрийн байгууламжийн төсөл арга хэмжээний 2009 оны давсан гүйцэтгэлийг хянаж, батлагдсан төсвийн дагуу эрх нээлгэн 12860.6 сая төгрөгийг гүйцэтгэгчид олгосон.

Авто замын засвар арчлалтын урьдчилгаа санхүүжилтэнд 1,802.8 сая төгрөгийн эрх нээлгэн 21 засвар арчлалтын үйл ажиллагаа явуулж байгаа компаниудад шилжүүлсэн. Мөн засвар арчлалтын ажлын 1, 2-р сарын гүйцэтгэлийг хүлээн авч хянан, 369.2 сая төгрөгийн эрхийг нээлгэхээр Сангийн яаманд хүргүүлсэн.

Олон улсын болон улсын чанартай авто замын төлбөр хураах цэгүүдээс 3 дугаар сарын 22-ны байдлаар 146.5 сая төгрөгийн орлого орж, үйл ажиллагааны урсгал зардалд 66.7 сая төгрөгийн санхүүжилтийг батлагдсан төсвийн дагуу санхүүжүүлсэн.

Яамны аппаратын урсгал зардал 2010 оны 3 дүгээр сард өссөн дүнгээр батлагдсан төсвийн 161.5 сая төгрөг, үйл ажиллагааны зардалд 149.0 сая төгрөгийг зарцуулаад байна.

“Үнэлгээний хорооны бүрэлдэхүүнд нэмэлт өөрчлөлт оруулах тухай” Төрийн нарийн бичгийн даргын 2010.03.04-ны өдрийн 56 дугаар тушаалыг батлуулан, тус яамнаас зарлагдсан тендерийн 21 үнэлгээний хороонд төрийн бус байгууллага, Татварын ерөнхий газар, Тагнуулын ерөнхий газар, Авлигатай тэмцэх газар, Нийгмийн даатгалын ерөнхий газраас холбогдох ажилтнуудыг оруулан ажиллуулж байна.

“Жагсаалт батлах тухай” ЗТБХБ-ын Сайдын 2010 оны 03 дугаар 18-ны өдрийн 66 дугаар тушаалын дагуу Сэлэнгэ аймагт 1, Баян-Өлгий аймагт 2, Говь-Алтай аймагт 1, Дорноговь аймагт 1, Увс аймагт 1, Архангай аймагт 4, Завхан аймагт 1 төсөл, арга хэмжээний худалдан авах ажиллагааг зохион байгуулах эрхийг шилжүүлж, гүйцэтгэл, хэрэгжилтэд нь хяналт тавин ажиллаж байна..

Тус яамны 2010 оны худалдан авах ажиллагааны төлөвлөгөөнд тусгагдсан нийт 61 төсөл, арга хэмжээнээс гүйцэтгэгчтэй гэрээ байгуулагдах шатандаа 2, үнэлгээ хийж байгаа 19, тендер зарласан 5, дахин тендер зарлахаар төлөвлөж байгаа 5, Азийн хөгжлийн банкаар тендерийн баримт бичгийг хянуулж байгаа 4, тендерийн баримт бичгийг боловсруулж байгаа 6, зээлийн гэрээ нь УИХ-аар батлагдсаны дараа тендерийг зарлах 2, зураг төсөл хийгдэж байгаа 15, зураг төсөл байхгүй 5 төсөл арга хэмжээнүүд байна.

2010 оны төсвийн тодотголын төслийг нэгтгэн боловсруулж Сангийн яаманд 2010 оны 3 дугаар сарын 22-ны өдрийн 1/995 тоотоор хүргүүлэв.

“УБТЗ” ХНН-ийн Ерөнхий хорооны ээлжит хурал, хувь нийлүүлэгчдийн хуралдаануудыг 3-р сарын 17-18-ны өдрүүдэд Улаанбаатар хотноо хийх бэлтгэл ажлыг хангаж, зохион байгуулав.

Бразилийн Рио Де Жанейро хотод 2010 оны 3 дугаар сарын 22-26-ны өдрүүдэд болсон Дэлхийн хотуудын чуулга уулзалтад ЗТБХБ-ын дэд сайд Т.Пүрэвдорж тэргүүтэй төлөөлөгчдийн чуулга уулзалтад оролцох бэлтгэлийг хангаж оролцуулав.

2010 он, 2010-2012 онуудад Төр, хувийн хэвшлийн хүрээнд хэрэгжүүлэх төслийн жагсаалтыг холбогдох бодлогын газруудаас авч нэгтгэн ТӨХ-нд хүргүүлэв.

4. Хяналт-шинжилгээ, үнэлгээний чиглэлээр:

“Монгол Улсын Мянганы хөгжлийн зорилтод суурилсан Үндэсний