Хууль зүйн үндэсний хүрээлэн иргэдээс ирүүлсэн газар эзэмших, өмчлөх эрхийн харилцаатай холбоотой асуултад хариулж байна.

-Газар өмчилж авснаар иргэн ямар үүрэг хүлээх вэ?
-Газар тариалангийн газраа зориулалтаар нь ашиглах, газрын төлөв байдал, чанарыг дордуулахгүй байх, өмчийнхөө газрыг ашиглах явцад барилга, экологи, ариун цэвэр, эрүүл ахуй, галын аюулгүй байдлын болон бусад холбогдох стандарт, дүрэм, журам, шаардлагыг сахиж мөрдөнө. Мөн өмчийн газрынхаа төлөв байдал, чанарын улсын хянан баталгааг өөрийн зардлаар таван жил тутамд эрх бүхий байгууллагаар хийлгэх үүрэгтэй.

-Миний амьдарч байгаа газар хувьчлахаар заасан 0.07 га-гаас 0.05 га-гаар илүү юм. Ийм тохиолдолд илүү газраа үнэлж авч болох уу?
-0.07 га хүртэл газарт амьдарч байгаа бол тэр газраа нэг удаа үнэгүй хувьчилж авна. Хэрэв түүнээс илүү өөрөөр хэлбэл, 0.07 га-гаас илүү бол газрынхаа 25 хүртэл хувийг худалдаж авч болно. Энэ хязгаар давсан тохиолдолд газрыг нь дахин хуваарилалтад оруулах журамтай.

Монцамэ