Ганцхан сарын турш хэрэглэхэд 9050 төгрөгийн цахилгаан зар­цуулах гэрийн халаагуурыг “Анод”-оор овоглосон Н.Даваа бүтээж, худалдаанд гаргалаа.

 

Нийслэлийн гэр хорооллын утааг багасгахад нэмэр болно гэж үзэж байгаа уг халаагуур энгийн халаагчтай харьцуулахад гурваас дөрөв дахин бага цахилгаан зарцуулж, 200 вт-ийн эрчим хүчээр ажиллан, 110 хэм хүртэл дулаан ялгаруулах чадалтай.

 

“Үүнийг хэрэглэхэд маш энгийн. Тусгай чийдэн ашиглан гэрлийн энергийг дулааны энергид шилжүүлжэн халаадгаараа бусдаас онцлог” хэмээн зохион бүтээгч нь тайлбарлав.

 

Нэг төхөөрөмжийн халаах талбай 15-20 мт квадрат бөгөөд гэрлээр агаарыг халаах учир ус, тосон халаагчаас 100 дахин хурдан юм. Халаагуур 50 мянган төгрөгийн үнэтэй.

 

 

Монцамэ