Зам засварын ажил цагтаа дуусдаггүй нэг шалтгаан нь замын трансад орсон айлууд нүүж өгөхгүй цаг алдах явдал байдаг. Үунийг л ашиглаад ахиухан хэдэн төгрөг салгачих юм сан гэсэн иргэдийн бодол. Гэтэл нийслэлийн төсвийн халаас нь нимгэн байдаг. Нүү, нүүхгүй гэсэн маргаан энэ жил ч зам засварын ажилд саад тотгор болоод байна. Дамдинсүрэнгийн гудамжийг Олимпын гудамжтай холбох 1.3 км замын ажил энэхүү шалтгаанаар удаашралтай явж байна.
Иргэд нөхөн олговрын мөнгөө голж байна
"Хурдны зам" компани замын ажлыг хийж байв, Ганц замын ажил ч бус Сэлбэ гол дээгүүр Дамдансүрэнгийн гудамжийг Олимпын гудамжтай холбох гүүр шинээр барьж байна. Аравдугаар сарын 30-ны өдөр гэхэд замын ажлыг хүлээлгэн өгөх гэнэ. Гэтэл замын ажил зогсонги байдалд оржээ. Зогсонги байдалд орсон өнөө л нүүлгэн шилжүүлэлтийн асуудлаас үүдээд байна. Бид Нийслэлийн Нийтийн тээврийн газрын хяналтын инженер Б.Амараатай уулзлаа.
-Сэлбэ голын зүүн тал нь Баянзүрх дүүргийн нутаг дэвсгэрт ордог. Баянзүрх дүүргийн нутаг дэвсгэрт долоон айл газраа чөлөөлөх, хашаагаа татах юм. Сэлбэ голын баруун тал буюу Сүхбаатар дүургийн нутаг дэвсгэрт 23 айл өрх газраа чөлөөлөх, хашаагаа татах учиртай. Баянзүрх дүүргийн айл өрхүүд хагас дутуу газраа чөлөөлөөд байна. Сүхбаатар дүүргийн тухайд хоёр айл, нэг албан байгууллага тавьсан шаардлагыг биелүүлээд байна. Бүхэлдээ газарт орж байгаа айл өрх тун цөөн. Ихэнх нь хашаагаа 4-5 метр татна. Албан байгууллагуудын тухайд мөн хашаагаа татна. Нийслэлийн Өмчийн харилцааны газраас иргэдийн газар чөлөөлсөн нөхөн олговрыг тогтоосон. Иргэд үүнийг иь бүрэн хүлээн зөвшөөрөхгүй байгаагаас болж замын ажил зогсонги байдалд ороод байна. Ингэж хугацаа алдах нь их хортой. Намар орой замын ажил явагддаг. Хүйтний улиралд технологийн горим алдагдаж,    замын чанарт муугаар нөлөөлдөг.
Харин "Хурдны зам" компанийн талбайн инжөнер Ц.Пүрэвдорж, уг нь манайх Баянзурх дуүргийн нутаг дэвсгэр дэх 0.9 км замын хучилтаа хийх хэрэгтэй байна. Гэтэл нуүлгэн шилжүүлэлтээс болж ажил зогслоо. Уг нь саяхан хотын дарга ирээд иргэдийн нөхөн төлбөрийн асуудлыг шийдлээ л гэсэн. Өнөөг хүртэл шийдэгдсэн зүйл алга хэмээн ярьж байлаа. Замын трансад орсон зарим айл өрхийн иргэдтэй уулзсан юм. Баянзүрх дүүргийн нутаг дэвсгэрт байрлах айл өрхүүдийн ихэнх нь хашаа байшингаа хөдөө орон нутгаас шилжин ирсэн иргэдэд түрээслүүлдэг байх юм. Хашааны эзэн нь байхгүй. Тэд л гол асуудлыг мэдэж байгаа. Манайх энэ хашааг түрээслэдэг гэж ярих хэд хэдэн иргэдтэй тааралдсан юм. Нэг сарын өмнө газраа зургаан метр татах албан шаардлагыг эдгээр айлуудад өгчээ. Хэлсэн ёсоор нь зургаан метр татсан байна. Гэтэл "замын зураг буруу гарсан. Хашаагаа дахин хоёр метр тат" гэсэн үүргийг Газрын албаны мэргэжилтнүүд өгчээ. Дахин хоёр метр татах юм бол хуулиар олгогдсон хүний эрх гээч нь зөрчигдөж байна шүү дээ гэх иргэд ч байлаа.