БНХАУ-ын Барилгын сайд Ван Гуан Таогийн урилгаар Барилга, хот байгуулалтын сайд Ж.Наранцацралт тус улсад айлчилж байгаа билээ. Уг айлчлалын үеэр хоёр орны барилгын сайд нар БНХАУ-ын хөрөнгө оруулалтаар Улаанбаатар хотод “Бээжин хороолол” барихаар тохиролцсон байна.

Мөн урд хөршөөс чанартай барилгын материал нийлүүлэх, Монгол ажилчдыг Хятадад мэргэжил дээшлүүлэхэд дэмжлэг туслалцаа үзүүлнэ гэдгээ сайд ноён Ван Гуан Тао мэдэгджээ. Хятадын барилгын сайд манай улсад бэлэглэсэн барилгын чанарын лабораторийг энэ онд багтаан суурилуулж дуусах  юм байна.