Нийслэлийн Засаг даргаас өгсөн үүргийн дагуу Нийслэлийн Зураг төслийн хүрээлэнгийнхэн 2010 онд хөрөнгө оруулалтын төлөвлөгөөнд тусгагдсан зураг төслийн ажлуудын явц болон хийж буй ажлууд, цаашид шийдвэрлэх асуудлуудынхаа талаар шуурхай зөвлөлгөөн дээр мэдээлэл хийсэн юм.

 

2010 онд нийслэлд хэрэгжүүлэх хөрөнгө оруулалтын төсөл, арга хэмжээ, барилга байгууламжийн төлөвлөгөөнд нийт 281 ажил тусгагдсанаас зураг төсөл шаардлагатай 76 ажил байна. Үүнээс 23 нэр төрлийн ажил тус хүрээлэнд хуваарилагдан ирсэн боловч эдгээр ажлуудын зураг төслийн үнэ огт тусгагдаагүй учир шаардагдах санхүүжилтыг нь шийдвэрлэж өгөхгүй бол дахин сэргээн байгуулагдаад удаагүй байгаа, аж ахуйн тооцоотой ажиллах байгууллагын хувьд хүндрэлтэй байгаа ажээ. Тиймээс 2010 онд хийгдэх зураг төслийн ажилд төсвийн тодотголоор хөрөнгө батлах, цаашид нийслэлийн хөрөнгө оруулалтын төлөвлөгөөг батлахдаа зураг төслийн хөрөнгийг тусад нь баталж байх нь зүйтэй гэж тус хүрээлэнгийнхэн үзэж байна.

 

Одоогоор тус хүрээлэнд автомашины төлбөртэй ил зогсоолын 11, автобусны буудлын өөрчлөлтийн 11, бичил цэцэрлэг, гудамжны тохижилтын 17 байршил зэрэг 80 орчим ажил хийгдэж байна.

 

 

Улаанбаатар