Татвараас орлогоо нуусан иргэд, аж ахуйн нэгж сайн дураараа бvртгvvлбэл татварын болон бусад хариуцлагаас чөлөөлөхтэй холбоотой хуулийн төслийг УИХ хэлэлцэхээр боллоо. Татварын багц хуулийг хэрэгжvvлэх тухай хуулийн төсөл батлагдвал бvртгэлгvй vйл ажиллагаа явуулж байсан хуулийн этгээд татварын байгууллагад бvртгvvлсэн тохиолдолд Нэмэгдсэн өртгийн, Татварын тухай, Татвар ногдуулалтад тавих хяналтын тухай, Захиргааны хариуцлагын тухай хуулиар ногдуулах хариуцлагаас өршөөх юм. Мөн бvртгvvлэхээс өмнөх vеийн татварт хvv, торгууль ногдуулахгvй байхаас гадна бvртгэхдээ тусгай нөхцөл, шаардлага тавихгvй юм байна.

Татварын шинэ орчин бvрдэж байгаатай холбогдуулан татварын хууль тогтоомж зөрчсөн иргэн, хуулийн этгээдэд төрөөс нэг удаа боломж олгон сайн дураараа татвар төлөгчөөр бvртгvvлвэл төрөөс дэмжиж, татварын шинэчлэлийн vр өгөөжийг иргэн бvрт хvртээх зорилгоор уг хуулийн төслийг УИХ-ын гишvvн Ц.Баярсайхан нарын хэсэг гишvvн санаачлан өргөн барьжээ. Энэ хуулийн төсөл батлагдсанаар албан бус хэвшилд бизнес эрхэлдэг, татварын орлогоо нууж ирсэн иргэдийн vйл ажиллагаа ил тод болж нуугдмал хөрөнгө нь эдийн засгийн эргэлтэд орон Монгол Улсын эдийн засагт vйлдвэрийн салбарын өсөлт нэмэгдэн, дотоодын хөрөнгө оруулалт нэмэгдэх, албан бус хөдөлмөр эрхлэлт албан ёсны болох, татварын бааз суурь нэмэгдэх, иргэдийн гар дээрх хөрөнгө эдийн засгийн эргэлтэд орох таатай нөхцөл бvрдэнэ гэж vзэж байгаа ажээ.

МОНЦАМЭ