“МИАТ” ТӨХК-ийн нислэг үйлдвэрлэл, цаашид авч хэрэгжүүлэх арга хэмжээний саналыг 2010 оны 04 дүгээр сарын 21-ний өдрийн Засгийн газрын хуралдаанд танилцуулсан. Хуралдаанаас “МИАТ” ТӨХК-ийн асуудлыг ажлын журмаар зохицуулах чиглэл өгсөн болно.

 

Нислэг-техникийн осол, зөрчлийг шинжлэн шалгах албаны дүрмийг Сайдын 2010 оны 04 дүгээр сарын 09-ны өдрийн 105 дугаар тушаалаар шинэчлэн батлав.

 

Монгол-Солонгосын төмөр замын хамтарсан судалгааны ажлын хэсгийг 2010 оны 4 дүгээр сарын 15-наас 20-ны өдрүүдэд УБТЗ-ын Баянтүмэн тасаг, Сүхбаатар аймгийн Баруун-Урт сум, төмөр замын Сайншанд зангилаанд ажиллуулж, Тавантолгойгоос Чойбалсан хүртэл төмөр зам барихад хамтран ажиллах боломжийн талаар газар дээр нь судалгаа хийлгүүлэв.

 

Авто замын салбарын удирдах ажилтны зөвлөгөөнийг 2010 оны 04 дүгээр сарын 03-нд “Авто замын салбарын бизнесийн орчинг сайжруулах нь” сэдвээр зохион байгуулж, зөвлөгөөнөөс авто замын салбарт ойрын хугацаанд  хэрэгжүүлэх ажлын талаар шийдвэр гарган, салбарын удирдах ажилтнуудад тодорхой үүрэг чиглэл өгөв..

 

“Авто зам, замын байгууламжийг хаах, чиглэл өөрчлөх, тээврийн хэрэгслийн тэнхлэгийн даацад хязгаарлалт хийх журам”-ыг шинэчлэн боловсруулж Сайдын тушаалаар батлуулан, улсын бүртгэлд бүртгүүлэв.

Газрын нэгдмэл сангийн 2009 оны тайланг Засгийн газрын 2010 оны 04 дүгээр сарын 21-ний өдрийн хуралдаанд танилцуулсан ба “Хүн амын нутагшилт, суурьшлын хөгжлийн ерөнхий төсөл” боловсруулах тухай асуудлыг 2010 оны 04 дүгээр сарын 14-ний өдрийн Засгийн газрын хуралдаанаар хэлэлцүүлэн “Бүс нутаг, хот байгуулалт, барилгын зураг төслийн хүрээлэн” байгуулах асуудалтай хамтатган хэлэлцэхээр шийдвэрлэсэн.

 

ЗТБХБ-ын Сайдын 2010 оны 04 дүгээр сарын 07-ны өдрийн 101 дүгээр тушаалаар “Нийтийн зориулттай, нийт талбай нь 1000м²-аас дээш орон сууцны барилгын ажилд зарцуулах гол нэр төрлийн барилгын материалын орц“ /БД 82-104-10/, “Барилгын ажлын өөрийн өртгийг төлөвлөх,бүртгэх зөвлөмж” /БД 80-102-10/, 2010 оны 04 дүгээр сарын 12-ны өдрийн 107 дугаар тушаалаар “Усны барилга байгууламжийн буурь” /БНбД33-04-09/, “Усны барилга байгууламжийн ачаалал ба үйлчлэл” /БНбД33-05-09/, “Усны барилга байгууламжийн бетон ба төмөр бетон бүтээц” /БНбД33-06-09/, “Шороон боомт” /БНбД33-07-09/, “Бетон ба төмөр бетон боомт” /БНбД33-08-09/, “Барилгын үйлдвэрлэлийн зохион байгуулалт” /БНбД12-01-09/, 2010 оны 04 сарын 20-ны өдрийн 121 дугаар тушаалаар “Барилга байгууламжийн зураг төсөл боловсруулах бэлтгэл ажлын зөвлөмжийн чанартай үлгэрчилсэн загвар” норм, дүрмийг тус тус батлуулав.

 

“Орон нутаг дахь газрын харилцаа, барилга, хот байгуулалтын нэгжийн үлгэрчилсэн дүрэм”-ийг ЗТБХБ-ын Сайдын 2010 оны 04 дүгээр сарын 12-ны өдрийн 106 дугаар тушаалаар батлуулав.

 

 

Улаанбаатар хотын нийтийн зорчигч тээврийн үйлчилгээнд явж байгаа 400 автобусын ашиглалтын асуудлаар БНСУ-ын “Daewoo bus international corporation” компанитай хамтарсан уулзалт зохион байгуулж, автобусны ашиглалтын явцад гарч байгаа нийтлэг 13 гэмтлийг энэ оны 7 дугаар сарын 01-ний дотор засварлаж, шаардлагатай зарим эд ангийг солихоор тохиролцов.

 

Авто зам, замын байгууламжийг барих, засварлах ажлын тусгай зөвшөөрөл хүссэн 66 аж ахуйн нэгжийн материалыг нягтлан үзэж, Сайдын тушаалаар тусгай зөвшөөрлийг олголоо.

 

Өвөлжилт хүндэрч, улсын чанартай зам даваа хаагдан онцгой нөхцөл үүссэн аймгуудад цас цэвэрлэсэн ажлын 612.9 сая төгрөгийг Улсын чанартай авто замын сүлжээний засвар, арчлалтын 2010 оны батлагдсан хөрөнгийн онцгой ажлын хөрөнгөнөөс санхүүжүүлэхээр Сайдын 99 дүгээр тушаалыг гарган гүйцэтгэлийг баталгаажуулав.

 

Засгийн газрын 2009 оны 368 дугаар тогтоолын дагуу төрийн албан хаагчдыг орон сууцны зээлд хамруулах ажлыг ОССК-аар дамжуулан зохион байгуулж байна. Зах зээл дээр бэлэн байгаа орон сууцны талаарх мэдээллийг нэг дороос авах боломжийг бүрдүүлэх үүднээс 2010 оны 04 дүгээр сарын 16-18-ны өдрүүдэд ОССК-аас “Орон сууц 4000-II” үзэсгэлэнг Чандмань-Экспо төвтэй хамтран зохион байгууллаа. Өнөөдрийн байдлаар зээлийн материалаа бүрдүүлж ирүүлсэн 871 төрийн албан хаагчдийн 33725.0 сая төгрөгийн зээлийн  хүсэлт байгаагаас 162 хүний 5,4 тэрбум төгрөгийн зээлийг олгох шийдвэрийг гаргаад байна.

 

Барилгын механикжилтын талаархи ISО-ийн 10 стандартыг МNS болгож боловсруулах техникийн даалгавар болон “Краны металл хийцийг үл эвдлэх аргаар оношлох” УББ, “Дүүжин замыг төхөөрөмжлөх, аюулгүй ашиглах дүрэм”-ийн техникийн даалгаврыг ЗТБХБ-ын Сайдаар батлуулан стандарт, норм дүрмийн төслийг боловсруулах гүйцэтгэгчийг сонгон шалгаруулах ажлыг зохион байгуулахыг холбогдох газруудад үүрэг болгон ажиллаж байна.

 

Улсын төсвийн хөрөнгө оруулалтаар 2010 онд Төв аймгийн Зуунмод хотод баригдах цэвэрлэх байгууламжийн барилга угсралтын ажлыг гүйцэтгэх гүйцэтгэгчтэй гэрээ байгуулан, ажлыг эхлүүлсэн.

ЗТБХБ-ын сайдын 2010 оны 64 дүгээр тушаалаар батлагдсан “Баруун бүсийн газар зохион байгуулалтын төлөвлөгөө”-г хэрэгжүүлж, ажиллах чиглэлийн хамт Баян-Өлгий, Ховд, Увс, Говь-Алтай, Завхан аймгуудын  Засаг дарга нар болон ГХБГЗЗГ- тус тус хүргүүлэн хяналт тавин ажиллаж байна.

БНСУ-ын олон улсын хамтын ажиллагааны байгууллагын санхүүжилтээр хэрэгжүүлэх гэж байгаа Улаанбаатар хотын 1:1000 масштабтай байр зүйн зургийн ажлын Удирдах хорооны бүрэлдэхүүнийг байгуулж ажиллаж байна.

 

Өмнөговь аймгийн Ханхонгор, Хүрмэн, Ноён, Номгон сумдын төв болон Төв аймгийн Борнуур, Батсүмбэр сумдын төвийн хөгжлийн ерөнхий төлөвлөгөө боловсруулах зургийн даалгавар, Булган аймгийн Булган хотод баригдах “Бага, дунд орлоготой залуу гэр бүлүүдийн хотхоны” хэсэгчилсэн ерөнхий төлөвлөгөө боловсруулах зургийн даалгавар, “Шинэ сумын төв” төсөл, Завхан аймгийн Улиастай хотын төвийн хэсгийн хэсэгчилсэн ерөнхий төлөвлөгөө боловсруулах зургийн даалгаврыг боловсруулж, орон нутгаас санал авч тусган батлуулав.

Зам, тээвэр, барилга, хот байгуулалтын яамнаас 2010 онд хэрэгжүүлэх нийт 89 төсөл, арга хэмжээнээс гүйцэтгэгчтэй гэрээ байгуулсан 13, гэрээ байгуулагдах шатандаа 6, гэрээ байгуулах зөвшөөрөл авахаар Сангийн яаманд хүргүүлсэн 2, шаардлагад нийцсэн нэг ч тендер ирээгүй тул дахин тендер зарлах зөвшөөрөл авахаар Сангийн яаманд хүргүүлсэн 9, дахин тендер зарласан 7, тендер зарласан 18, үнэлгээ хийж байгаа 11, тендер зарлах шатандаа 2, зургийн ажлын даалгавар боловсруулж байгаа 2, Азийн хөгжлийн банкаар үнэлгээний дүгнэлт, тендерийн баримт бичгийг хянуулахаар хүргүүлсэн 5, тендерийн баримт бичиг боловсруулж байгаа 1, зээлийн гэрээ нь УИХ-аар батлагдсаны дараа тендерийг зарлах 2, зураг төсөл хийгдэж байгаа, зураг төсөл байхгүй 10 төсөл арга хэмжээнүүд байна. Архангай аймагт 4, Баян-Өлгий аймагт 2, Завхан аймагт 1, Говь-Алтай аймагт 1, Сэлэнгэ аймагт 1, Дорноговь 1, Увс аймагт 1 төсөл, арга хэмжээний худалдан авах ажиллагааг зохион байгуулах эрхийг шилжүүлж, гүйцэтгэл, хэрэгжилтэд нь хяналт тавин ажиллаж байна.

 

Улсын төсвийн хөрөнгө оруулалт,  замын сангийн болон гадаадын зээл, тусламжийн хөрөнгөөр хэрэгжүүлэх барилга, зам, гүүрийн байгууламжийн төсөл арга хэмжээний 2009 оны давсан гүйцэтгэлийг хянаж, батлагдсан төсвийн дагуу эрх нээлгэн 17718.1 сая төгрөгийг гүйцэтгэгчид олгосон.

 

Авто замын засвар, арчлалтын урьдчилгаа санхүүжилтэнд 1,802.8 сая төгрөгийн эрх нээлгэн засвар арчлалтын үйл ажиллагаа явуулж байгаа 21 компанид шилжүүлсэн. Мөн засвар арчлалтын ажлын энэ оны эхний 3 сарын гүйцэтгэлийг хүлээн авч хянан, 2,705,86 сая төгрөгийн эрх нээлгэн санхүүжүүлээд байна.

 

Олон улсын болон улсын чанартай авто замын төлбөр хураах цэгүүдээс  4 дүгээр сарын 22-ны  байдлаар 148.8 сая төгрөгийн орлого орохоос  214.7 сая төгрөгийн орлого орж,  үйл ажиллагааны урсгал зардалд  98.5  сая төгрөгийн санхүүжилт олгов.

 

Мянганы хөгжлийн зорилтын ариун цэврийн байгууламж ба ус хангамжийн асуудлаархи дэлхий нийтийн Үйл ажиллагааны (GF4A) хүрээнд 2010 оны 4 дүгээр сарын 23-ны өдөр Вашингтон хотноо болсон дээд хэмжээний уулзалтад ЗТБХБЯ-ны Төрийн нарийн бичгийн дарга Ж.Бат-Эрдэнэ, БНСУ-д 2010 оны 04 дүгээр сарын 25-28-ний хооронд зохион байгуулагдаж байгаа Монгол-БНСУ-ын Төмөр замын хамтын ажиллагааны нийгэмлэгийн 2 дахь Зөвлөлдөх уулзалтад дэд сайд А.Гансүх тэргүүтэй төлөөлөгчид тус тус оролцов.

 

 

Зам, тээвэр, барилга, хот байгуулалтын яамны 2009 оны үйл ажиллагаанд Засгийн газрын 2010 оны 11 дүгээр тогтоолоор батлагдсан журмын дагуу  хяналт-шинжилгээ, үнэлгээ хийж, үнэлгээний  тайланг Засгийн газрын Хэрэг эрхлэх газарт хүргүүлэв.

 

Хууль тогтоомж, Засгийн газрын шийдвэрийн биелэлтийн явцад 2010 оны I улирлын байдлаар хяналт-шинжилгээ, үнэлгээ хийж, үнэлгээний тайланг 2010 оны 04 дүгээр сарын 09-ний өдрийн 4/1315 тоот албан бичгээр Засгийн газрын Хэрэг эрхлэх газарт хүргүүлсэн.

 

Засгийн газрын 2009 оны 285 дугаар тогтоолоор батлагдсан журмын дагуу  Зам, тээвэр, барилга, хот байгуулалтын салбарын Үндэсний хөтөлбөр, төслүүдийн 2009 оны хэрэгжилтэд хяналт-шинжилгээ хийж, хэрэгжилтийн үр дүнгийн мэдээг Засгийн газрын Хэрэг эрхлэх газарт хүргүүлэв.

 

“Бизнесийн орчны шинэтгэлийн жил”-ийн хүрээнд Зам, тээвэр, барилга, хот байгуулалтын салбарт хэрэгжүүлэх арга хэмжээний төлөвлөгөөний явцын товч тайланг нэгтгэж Үндэсний хөгжил, шинэтгэлийн хороонд хүргүүлэв.

 

Монгол Улсын Засгийн газрын 2008-2012 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөнд тусгагдсан Зам, тээвэр, барилга, хот байгуулалтын сайдын эрхлэх асуудлын хүрээнд хамаарах зорилт, арга хэмжээний биелэлтийг Засгийн газрын 2006 оны 51 дүгээр тогтоолоор баталсан “Яам болон аймаг, нийслэлийн Засаг даргын үйл ажиллагаанд хяналт-шинжилгээ хийх, үр дүнг үнэлэх журам”-ын дагуу хийсэн хяналт-шинжилгээний тайлангийн хамт гаргаж, яамны вэб сайтад байрлуулав.

 

Тээврийн салбарын инженерийн зэрэг дэв, горилогчдоос шалгалт авах комисс, Авто замын инженерийн зэрэг горилох, сунгах, ахиулах горилогчдоос шалгалт авах комисс, Геодезийн инженерийн зэрэг горилох, сунгах, ахиулах горилогчдоос шалгалт авах комиссыг Төрийн нарийн бичгийн даргын тушаалаар тус тус байгуулав.

 

Тус яам болон харьяа агентлагуудад 2010 онд төрийн жинхэнэ албан тушаалд анх орох иргэнийг сонгон шалгаруулж авах ажлын байрны сул орон тооны захиалгыг нэгтгэн авч зохих маягтын дагуу гарган Төрийн албаны зөвлөлд хүргүүлэв.

 

Төрийн албаны зөвлөлийн Салбар зөвлөлийн 2010 оны 3 дугаар хуралдаанаас гарсан шийдвэрийг үндэслэн төрийн захиргааны албан тушаалын зэрэг дэв олгох болзол, шаардлага хангаж буй ГХБГЗЗГ-ын албан хаагчдад төрийн захиргааны албан тушаалын зэрэг дэв олгох асуудлыг Сайдын 2010 оны 04 дүгээр сарын 13-ны өдрийн 88 дугаар тушаалаар шийдвэрлэв.

 

Иргэд, байгууллагуудаас 2010 оны I улиралд нийт 60 өргөдөл, гомдол ирүүлснээс 52 нь  яамны хаягаар, 8 нь дээд байгууллагуудаас буюу  Ерөнхийлөгчийн Тамгын газраас 3,  УИХ-аас 1, ЗГХЭГ-аас 4  шилжсэн бичгүүд байна.  Иргэдээс төрийн байгууллага, албан тушаалтанд ирүүлсэн өргөдөл, гомдлыг шийдвэрлэх тухай хууль, журмын дагуу тус яаманд ирүүлсэн өргөдл, гомдлын тайланг 2010 оны I улирлын байдлаар гарган хугацаанд нь ЗГХЭГ-т мэдээлсэн.   Яамны удирдлагаас иргэдийг хүлээн авах цаг, өдрийг тогтоож, мөрдүүлэв.

 

 

 

Зам, тээвэр, барилга, хот байгуулалтын яам