Төрөөс орон сууц барих хөтөлбөр хэрэгжүүлж буй нь дагалдаад барилга байгууламж ихээр угсрагдана гэсэн үг билээ. Капиталын өртөг өндөртэй барилга барих уламжлалт аргаар богино хугацаанд барилга угсралтыг гүйцэтгэж чадахгүй нь тодорхой. Харин үүнийг шийдэхэд янз бүрийн хийц загвар бүхий барилга байгууламжийг үтэр түргэн хугацаанд, чанартай, ажиллах хүч болоод техник хамгийн бага ашиглалттайгаар барих технологи
Төмөр бүтээцийг хялбархнаар угсарч болохын зэрэгцээ зөөж тээвэрлэхэд ямар нэгэн онцгой нөхцөл шаардахгүй. Барилгын материалын үйлдвэрлэл болон барилга угсралтанд нэвтэрч буй шинэ технологийн ачаар өнөөдөр 10000 м2 талбайтай барилгыг жил хүрэхгүй хугацаанд багтаан угсрах болж байна. 10 жилийн өмнө ийм хугацаанд барина гэдэг "зүүд" байсан билээ.

Өнөө үед барилга угсралт бол бизнесийн хамгийн хурдацтай хөгжиж салбарын нэг болжээ. Худалдаа үйлдвэрлэлийн зориулалтаар байр орон сууцны эрэлт хэрэгцээ өссөөр байх нь дамжиггүй. Орон сууцны эрэлт хэрэгцээний асуудлыг нэн түрүүнд шийдэх нь төрийн нэг чухал зорилт байх ёстой юм. Түргэн угсрагдах барилгын бүтээц нь хөнгөн хаших каркас, түүнчлэн хаалга, цонх зэргээс бүрдэнэ. Хөнгөн каркас нь ердөө метал профилиэр хийгдсэн тэгш өнцөгт хийц юм. Түргэн угсрагдах барилгын хаших хийц нь хана, дээвэр болно.
Хамгийн их хэрэглэгдэж буй хаших жийц нь сэндвич хавтан юм. Сэндвич хавтан дундаа пенополистирол, пенополиуретан буюу эрдэс хавтан бүхий хоёр метал хуудсаас тогтсон 3 үет, цул, хиймлээр гарган авсан хийц юм. Сэндвич хавтанг төрлөөр нь ханын, дээврийн гэж ангилна. Сэндвич хавтанг дотор дүүргэлтэнд бэлтгэхдээ базальтын үл шатах эрдэс хөвөн болон антиперентэй өөрөө унтардаг пенополистиролыг ашиглана. Пенополистирол нь өөрөө унтрах ба шаталтыг үл дэмжих чанартай учраас галын аюулгүйн 4-р зэрэгт орно. Сэндвич хавтан нь барилгын материал гэдэг үүднээсээ тоосго, плита болон бусад олон янзын барилгын уламжлалт материалуудаас ялгарах давуу талтай. Сэндвич хавтан нь хөнгөн жинтэй учраас угсрахад хялбар, хурдан, бас Z-lock түгжээ нь хавтанг найдвартай, бат бөх холбон угсарч өгнө.

Сэндвич хавтангаар барилгыг хурдан хугацаанд угсрах болсон нь барилгын зардлыг бууруулаад зогсохгүй тоног төхөөрөмж ашиглах явдлыг бараг үгүй болгож байгаа юм. Сэндвич хавтан нь үзэмж сайтайн  дээр өнгөний өргөн сонголттой, барилгын нэмэлт засвар шаарддаггүй.