Монгол Улсын Ерөнхий сайд С.Батболдын урилгаар БНЧехУ-ын Засгийн газрын дарга Ян Фишер манай улсад албан ёсны айлчлал хийж байгаа. Энэхvv айлчлал нь манай хоёр орны Засгийн газрын хооронд хийж буй анхны айлчлал юм. Монгол Улсын Ерөнхий сайд С.Батболд, БНЧехУ-ын Засгийн газрын дарга Ян Фишер нар хэд хэдэн салбарт хамтран ажиллах гэрээ байгууллаа.

Тухайлбал, Батлан хамгаалах салбарт харилцаа тогтоон, сургалт, энхийг сахиулах vйл ажиллагаа, техник, технологи болон бусад чиглэлээр хамтрах. Чех улсын их, дээд сургуульд суралцах оюутны тоог нэмэх саналыг Ерөнхий сайд С.Батболд санал болголоо. Тvvнчлэн “Эрдэнэт” хотыг бие даасан усны эх vvсвэртэй болгох, хот орчмын мал, сvрэг, хvн амыг усаар хангах төслийг vргэлжлvvлэх. Дулааны цахилгаан станцын тоног төхөөрөмжийг шинэчлэх, “100 мянган айлын орон сууц” төсөл болон барилгын материалын vйлдвэр байгуулах чиглэлд хамтарч ажиллахаар тохиролцлоо.

Монгол Улсын Ерөнхий сайд С.Батболд хэлэхдээ “Европын стандартыг Монголд нэвтрvvлснээр Евро бvсийн гишvvн орнууд болон ижил стандарттай бусад оронтой хийж байгаа худалдаа, бизнесийн vйл ажиллагааг дэмжих тvнш орны тоо нэмэгдэх болно. Монгол Улс Европын холбооны зах зээлд 7200 нэр төрлийн бараа бvтээгдэхvvн татваргvй гаргах эрхтэй. Гэвч одоогоор манай улс европын стандартад нийцсэн бvтээгдэхvvн vйлдвэрлэж чадахгvй байгаа учраас энэ боломжоо ашиг-лаж чадахгvй” байна гэлээ. Айлчлалын vеэр хөндөгдсөн нэг асуудал бол БНЧехУ-д ажиллаж, амьдарч байгаа монгол иргэдийн нийгмийн хамгааллын асуудлыг боловсронгуй болгох талаар хөндлөө. Дээрх асуудлыг ажил хэрэг болгох талаар анхаарч ажиллахыг холбогдох сайдуудад vvрэг болгов. Ян Фишер хэлэхдээ “Хэдийгээр манай хоёр улс газар нутгийн хувьд хол байдаг ч Монгол Улс миний хувьд дотно санагддаг. Энэ нь магадгvй Чех хэлээр ярьдаг монгол хvн олон байдаг болохоор ийм сэтгэгдэл төрж байгаа байх. Манай хоёр улсын харилцаа маш сайн байгаа. Тиймээс цаашдаа ч хөгжих бvрэн боломжтой гэж vзэж байна” гэлээ. БНЧехУ-ын Засгийн газрын дарга өчигдөр Ерөнхийлөгч Ц.Элбэгдорж, УИХ-ын дарга Д.Дэмбэрэл нарт бараалхав.

Ардчилал