Орон Сууцны Санхүүжилтийн Корпораци нь “4000 орон сууц” хөтөлбөрийн хүрээнд квотод орж зээлийн материалаа бүрдүүлж өгсөн 1371 төрийн албан хаагчдаас орон сууцаа сонгосон 503 иргэнд 13.6 тэрбум төгрөгийн зээлийг олгохоор шийдвэрлэсэн бөгөөд Сангийн яам Монголбанкинд Засгийн газрын 6,0 тэрбум төгрөгийн бонд арилжаалан 2 дахь санхүүжилтийн эх үүсвэрийг бүрдүүллээ.

Зээл олгох шийдвэр гарсан 256 зээлдэгчийн зээлийн төлбөрийн санхүүжилт болох 8.4 тэрбум төгрөгийг орон сууцаа борлуулж байгаа нийслэл болон орон нутгийн барилгын компаниудын банкин дахь дансанд шилжүүлж байна.

Мөн зээлийн материалаа бүрдүүлж өгсөн 700 гаруй иргэний 23 тэрбум төгрөгийн зээлийн асуудлыг ойрын хугацаанд шийдвэрлэн З дахь ээлжийн бондын эх үүсвэрийг захиалахаар ажиллаж байна.

Дашрамд дурдахад Орон сууцны санхүүжилтийн корпораци төрийн албан хаагчдыг орон сууцжуулах ажлын хүрээнд 150 гаруй төрийн байгууллагуудтай хамтран ажиллах гэрээ байгуулаад байна.

ОССК