Монгол Улс байгалийн баялаг буюу ашигт малтмалаараа дэлхийд данстай болов. Тиймээс ч төр засаг ашигт малтмалын орд газраа эдийн засгийн эргэлтэд оруулж, сан хөмрөгөө арвижуулах шийдвэр гарган Оюутолгойн гэрээг “Айвенхоу майнз” компанитай байгуулсан. Энэ гэрээний хөрөнгө оруулалтын төсөл хэрэгжиж эхэлж байна. Їvнтэй холбоотойгоор сард 300 мянган төгрөгийн цалинтай, 3300 ажлын байр бий болгоно гэж холбогдох албан тушаалтнууд гэрээнд нь гарын vсэг зурсан аж. Тодруулбал, нийслэлийн Сонгинохайрхан дvvргээс 600, Чингэлтэй, Сvхбаатар дvvргээс тус бvр 300 гэх мэтээр ажилтан бэлтгэж авах юм байна. Гэхдээ ажилд орохыг хvссэн иргэд шууд очоод ажиллах бус нийслэлийн хөдөлмөр эрхлэх алба, биржvvдэд бvртгvvлэх шаардлагатай гэнэ.

 

Шинэ ажлын байрны хувьд Оюутолгойн vндсэн ажилчдын квотод хамаарахгvй. Одоогийн байдлаар тус компанид 1300 орчим монгол иргэн ажиллаж байгаа юм байна. Мөн хамтран ажиллаж буй компанийн зvгээс 410 орчим сая ам.долларын ажил vйлчилгээ гvйцэтгэх тендер зарлахаар болж. Энэ ажлыг аль нэг гадны компани гvйцэтгэхгvй зөвхөн дотоодын компани хийх ажээ. Харин ямар нэгэн жишиг, шалгуур тавьж будлиан, лобби vvсгэхгvй юм байна. Мөн хоёр техник мэргэжлийн сургуульд 700 орчим оюутан элсvvлж бэлтгэхээр болжээ. Хамгийн гол нь, бидэнд ямар ашигтай байх, vр дvн, тогтвортой цалинжуулж ажиллуулах шаардлагатай. Барилгажилт, дэд бvтцийн асуудлын ерөнхий төлөвлөгөө, дагаж бий болох ажлын байр гэх мэт зvйл дээр нэгдсэн зохион байгуулалттайгаар ажиллах ёстой юм байна. Дээрх мэдээллийг ЭБЭХ-ний сайд Д.Зоригт, НХХ-ийн сайд Т.Ганди, хотын мэр нар УИХ дахь МАХН-ын бvлгийн хуралдаан дээр мэдээлжээ. Ажлын байр бий болгох асуудлыг зөвхөн энэ удаад яриад өнгөрөх биш сарын дараа дахин хэлэлцэхээр тогтжээ.

 

Мөн хэлэлцэхээс байнга татгалзаж, завсарлага авсаар ирсэн Ёс зvйн дэд хорооны дvрэм батлах асуудлыг ярил-цан Төрийн байгуулалтын байнгын хороогоор хэлэлцэн шийдвэрлэх байр суурьт хvрсэн байна. Хоёр ч пар-ламентын нvvр vзсэн ёс зvйн дvрмээ батлан, байгаа vгvй нь мэдэгдэхгvй явсаар ирсэн дэд хороог ажилтай болгохоор хувьсгалт намынхан шийджээ. Эцэст нь, УИХ-ын тухай хуульд нэмэлт өөрчлөлт оруулах тухай хуу-лийн төслийг хэлэлцсэн байна. Гишvvн Ө.Энхтvвшин нарын боловсруулсан хуулийн төслийн хэлэлцэх эсэхийг шийдвэрлэсэн ч бvтцээр хэлэлцээгvй байгаа аж. Харин Х.Тэмvvжин гишvvний санаачилсан төсөл байнгын хорооны хуралдаан дээр унасан. Гэхдээ УИХ-аар хэлэлцэх юм байна. Хэрэв гишvvдийн олонхи хуулийн төслийг дэмжвэл бvтцээр хэлэлцэх боломж бvрдэх аж.

 

Ерөнхийлөгч ч мөн адил УИХ-ын дэгийн тухай хуульд өөрчлөлт оруулахаар төсөл боловсруулан парламентад өргөн барьжээ. Тиймээс өргөн баригдсан, хэлэлцэж эхэлсэн хуулийн төслvvдийг гацаахгvйгээр цааш явуулах шийдвэрт хvрч.

 

Парламентаар хэлэлцэгдэж эхэлсэн Монгол Улсын 2010 оны төсвийн тухай хуульд өөрчлөлт оруулах асуудал маргаан дагуулж буй. Учир нь, олон улсын валютын сантай хийсэн хөтөлбөр, гэрээ зөрчигдөхөд хvрч. Төсөвт тодотгол хийхийн тулд удаа дараа тус сан, дэлхийн банкныхантай ярилцсан ч тодорхой шийдэл гарахгvй байгаа бололтой. Иймд УИХ-ын дарга орлого зарлага, орж ирэх хөрөнгөний хэмжээ, эдийн засгийн өнөөгийн байдал, цалин нэмэх асуудал зэргийг судалж vзэх санал гаргаж ажлын хэсэг байгуулахаар болсон байна.

 

Бvлгийн дарга Д.Лvндээжанцангаас УИХ-ын тухай хуульд өөрчлөлт орсноор Байнгын хорооны хуралдаан хаалттай болох, Х.Тэмvvжингийн боловсруулсан УИХ-ын тухай хуульд нэмэлт өөрчлөлт оруулах хуулийн төс-лийг бvлэг дэмжих боломжгvй гэж vзсэн нь өөрчлөгдсөн эсэхийг лавлахад “Х.Тэмvvжингийн оруулсан хуулийн төслийг дэмжихгvй гэсэн байр суурь хэвээр байгаа. Тэрээр хуульд тусгасан дэмжих боломжгvй гэж vзсэн нэлээд олон зvйлээ татаж авч байгаа болов уу. Харин зохицуулалтыг нь дутуу хийсэн зvйл дээр зарим гишvvн нэмэлт оруулахаар төсөл өргөн барьчихсан. Энэ талаар яривал олон зvйл бий. Байнгын хороог цөөлөх ч санал гарсан. Хууль санаачлах, саналаа тусгах нь гишvvдийн эрхийн асуудал. Ямар ч гэсэн хэлэлцэх эсэхийг шийдсэний дараа байр сууриа илэрхийлэх нь зvйтэй байх. Ер нь, авах гээхийн ухаанаар хандана даа” гэж хариуллаа.