“ШИНЭ ОРОН СУУЦ-2007” Үзэсгэлэн яармаг маргааш буюу 6 сарын 20-нд Мэдээлэл Технологийн Үндэсний Паркийн үзэсгэлэнгийн танхимд 12 цагт нээлтээ хийнэ. Монгол улсын Барилга, хот байгуулалтын яам, БАРИЛГА.МН Барилгын зөвлөгөө мэдээллийн төв хамтран зохион байгуулж буй уг үзэсгэлэн яармагаас та бүхэн Засгийн газраас хэрэгжүүлж буй “40000 ОРОН СУУЦ” хөтөлбөрийн хэрэгжилт ямар шатанд явж байгаатай танилцаж, орон сууцны урт хугацааны зээлд хэрхэн хамрагдах талаар хөрөнгө оруулагч банкуудаас зөвлөгөө мэдээлэл авах боломжтой юм.

Үзэсгэлэн яармагт шинэ орон сууц барьж буй “Нийслэл Өргөө”, “Гангар инвест”, MKB XXK буюу UB town, “Зарубежстрой”, “Хаус интернэшнл”, “Хасуу констракшн”, “Нисора”, “Номноо”, "Мон-Тед" зэргийн барилга угсралтын компаниуд, “Худалдаа хөгжлийн банк”, “Голомт”, “Капитал” банк зэрэг орон сууцны хөрөнгө оруулагч банкууд оролцох бөгөөд үзэсгэлэнгийн үеэр тухайн аж ахуйн нэгж өөрсдийн борлуулж буй шинэ орон сууц, бүтээгдэхүүндээ үнийн хөнгөлөлт урамшуулал үзүүлнэ. Та бүхнийг хүрэлцэн очиж сонирхохыг урьж байна.

Зохион байгуулах хороо