Барилгын салбарын нарийн мэргэжлийн ажилтан бэлтгэх гол цөм болсон МСҮТ болон коллежуудад ажиллаж буй багш, сурагчдын дунд ур чадварын улсын уралдааныг зохион байгуулдаг уламжлал дахин сэргээд удаагүй байна. Энэ жилийн уралдаанд засал чимэглэл, сантехникийн чиглэлээр сургагч багш оюутнууд оролцох аж.

 

Техникийн болон Мэргэжлийн сургуулиудын холбоо, Барилгын коллеж хамтран зохион байгуулж буй дөрөв дэх удаагийн уралдааныг хамтран зохион байгуулж байна. Уг уралдаан нь багш сурагчдын ур чадварыг шалгаруулах, харилцан туршлага солилцох, багш сурагчдын бүтээлч үйл ажиллагааг сайжруулах, шинэ материал, техник, арга технологийн мэдээллийг сурталчлах зорилготой юм.

 

Уралдаанд нийт 22 аймгийн дал гаруй багш сурагчид ур чадвар, ажил мэргэжлээрээ өрсөлдөнө. Тэмцээнийг МУ-ын Гавъяат барилгачин, МУ-ын зөвлөх инженер Д. Намсрай, МУ-ын зөвлөх инженер Б.Мэндсайхан тэргүүтэй шүүгчид шүүн явуулна. Уралдааны дүн энэ сарын 22-нд гарна.