МҮХАҮТ нь энэ оны 6 дугаар сарын 20-27-ны хооронд Дэлхийн үзэсгэлэнтэй танилцуулах болон БНХАУ-ын Шанхай Хотын Барилгын Нэгдсэн Холбоотой хамтран Монголын барилгын салбарын үйл ажиллагаа эрхлэгчиддээ зориулж мэргэжлийн тусгай сургалт зохион байгуулах гэсэн 2 чиглэлтэй арга хэмжээг зохион байгуулах гэж байна. Ерөнхий хөтөлбөрт дараахи сэдвүүд багтана. Үүнд:

 

·         Барилга байгууламжын өнөөгийн байдал ба Ногоон хотын барилгажилтын хөгжил

·         Хот төлөвлөлт, шинэ дүүргийн нэгдсэн төлөвлөлт

·         Эрчим хүчний хэмнэлттэй, төгс шийдэлт ногоон орон сууцны барилга

·         Барилгын материалын зөв сонголт, орчин үеийн шинэ материалын дэлгэрэнгүй танилцуулга

 

Сургалтыг БНХАУ-ын барилгын салбарын нэр хүндтэй, өндөр зэрэглэлийн шилдэг инженер, доктор, профессорууд удирдан явуулах ба сургалтанд хамрагдах хүний доод хязгаар 20, дээд хязгаар 30 хүн байна. Сургалтанд 20 ба түүнээс дээш оролцогч бүртгэгдсэн нөхцөлд явуулах боломжтой.

 

 

Сургалтын хугацаанд Шанхай хотын зарим алдартай, одоо баригдаж байгаа барилга байгууламжууд, шинээр тавигдсан зам талбай, гүүрийн явцыг газар дээр нь очиж үзүүлэх ба дэлгэрэнгүй танилцуулга тайлбартай явагдана.

 

ЭКСПО- 2010 ШАНХАЙ, БНХАУ Дэлхийн үзэсгэлэн нь албан ёсоор 2010 оны 5 дугаар сарын 1-нээс 11 дүгээр сарын 1 хүртэл нийт 185 хоног ажиллах ба Монгол Улсын Засгийн Газрын 2009 оны 11 дүгээр сарын 4-ний өдрийн 337 тоот тогтоолоор Монгол улс албан ёсоор оролцох юм. Засгийн Газрын тогтоолоор МҮХАҮТ нь Ерөнхий зохион байгуулагчаар томилогдсон билээ. Тус Дэлхийн үзэсгэлэнд 190 орон, 15 Олон улсын байгууллага өөрийн улсаа сурталчлан оролцоно.

Энэ удаагийн Дэлхийн ЭКСПО нь та бидний хувьд манай улсын хамгийн ойрын хөрш болох БНХАУ-д зохион байгуулагдаж байгаа нь газар дээр нь очиж үзэх томоохон боломж, давуу тал болж байгааг сайтар анхаарна уу.

Тухайн оролцогч сургалт болон Дэлхийн ЭКСПО гэсэн 2 хөтөлбөрийн аль нэгийг сонгох, эсвэл хоёуланд нь хөтөлбөрөөр хамрагдах бүрэн боломжтойг анхааралдаа авна уу.

 

 

1. Урьдчилсан дэлгэрэнгүй 2 хөтөлбөр /хичээлийн батлагдсан дэлгэрэнгүй хөтөлбөрийг бүртгүүлэгчдэд жич мэдэгдэх болно./

Хөтөлбөрт хамрагдах хүсэлтэй байгууллага /хамт олноороо байж болно/, аж ахуйн нэгж, хувь хүмүүс доорх хаягаар хандана уу.