Германы “Surrealien” компани нэгэн сонирхолтой ханын цаасыг хэрэглэгчдэд санал болгож байна. Тус компанийхан тэдэнд хандсан захиалагчийн зуруулахыг хүссэн цонх болон хаалга, ханын шүүгээ, ширээний чийдэн, уран зураг гэх мэтийн ханын цаасан дээр юу зурж болох вэ, тэр бүхнийг хийж өгөх үйлчилгээ эрхлэдэг байна.  Ханын цаасны  "хээний" загварыг гаргахын тулд компьютерийн нарийн тооцоолол ашиглана. өөрөөр хэлбэл, уг ханын цаасыг нийтэд худалдах бус, хийлгэхээр захиалга өгсөн хүнд буюу тухайн өрөөний байдалд тохируулан хийж өгдөг ажээ.

Ханын цаасыг “урлах” ажил нь түүн дээр зурагдах залгуур, унтраалга хүртэлхи нарийн хэсгүүдийг тусгасан тухайн өрөөнд ханын цаасыг наах төлөвлөлтийг нь гаргаснаар эхлэнэ. Дараа уг төлөвлөлтөн дээрээ хэмжилт хийх бөгөөд компьютерт хэмжилтийн гажилтыг тооцоолон захиалагчид үзүүлэн таалагдах эсэхээс нь шалтгаалан шинэ зураг гаргаж өгдөг байна. Эцэст нь, сонгогдсон ханын цаасын үлгэрийг 46.5 сантиметр өргөнтэйгээр наахад бэлэн болгож хэвлэнэ. Уг ханын цаас нь дуу чимээ шингээх, шатдаггүй шинж чанартай ажээ.