Монгол Улсын Ерөн­хийлөгч “Модун сайн хаан” гэрэлт хөшөөт цогцолбор байгуулах төслийг санаачлагчид болон уг төслийг дэмжиж буй УИХ-ын ги­шүүн З.Алтай нарыг хүлээн авч уулзлаа. Төсөл санаачлагчдын ярьж буй­гаар Монголын эрт үеийн түүхт улс болох Хүннү гүрний түүх соёл, өв уламжлал, ховор нандин олдвор, хөшөөт байгууламж зэргийг олон нийтэд сурталчлан таниулж, үн­­дэсний хэмжээний томоохон цогцолбор байгуулах зорилготой бай­гаагаа танилцууллаа.

Ерөнхийлөгч уг төслийн зураг төсөлтэй танилцаад Монголын түүх соёлыг сурталчлах зорилготой олон төрлийн цогцолбор байгуулах иргэд, байгууллагын хэдэн хэдэн санал санаачилга байгаа. Эдгээ­рийг нэтгэж өөр хоорондоо уялдаа холбоотой цогц цогцолборууд байгуулах талаар судалж үзэх хэрэг­тэй. Энэ нь түүх соёл, үндэсний бахархлаа эрхэмлэн дээдлэхэд то­моохон ач холбогдолтой хэмээн онцлон тэмдэглэв.

Монцамэ