Туркийн архитекторуудын холбоо, Синан судлалын төвөөс Турк улсад суралцагч оюутан залуусын дунд зохион байгуулсан “Синан судлалын төв болон турк архитектурын түүхийн музей” сэдэвт архитектурын төслийн уралдаанд манай улсаас Мимар Синан их сургуулльд суралцаж буй оюутан Б.Батзориг, Г.Туяа, Б.Бадрах нарын бүтээл дэд байрт шалгарчээ.

Уралдаанд шүүгчдийн зүгээс өндөр үнэлгээ авсан 26 бүтээл оролцуулсан байна. Шалгаруулалт Мимар Синаны гайхамшигт бүтээлийн нэг болох Сулемание цогцолборт өнгөрсөн долоо хоногт болж өнгөрсөн бөгөөд уралдааны болзол нэн хатуу, тэгээд ч эртний уран барилгын дурсгалыг орчин үеийн барилгатай хослуулан зохицуулах нь тун амаргүй ажил гэдгийг шүүгчид онцлон тэмдэглэсэн байна. Төгсгөлийн ёслолд Истанбул хотын даргын туслах биечлэн ирж шагналыг гардуулахдаа нийт оролцогсдын ур чадвар өндөр төвшинд байгааг, тэр дотроо Монголын залуусын бүтээлч чадварыг онцлон тэмдэглэжээ.
 

Өнөөдөр